وكمان سنة

كلها ساعات قليلة ونستقبل طبعا سنة جديدة

ربنا يحقق لكل حد كل اللى بيتمناه

كل مكان فى العالم بيبقى ليه طقوس خاصة فى استقبال العام الجديد

بصرف النظر عن مصر

لأن الاحتفال عندنا مالوش طقوس

اللى عاوز يعمل حاجة بيعملها

بس غالبا الاحتفال بيبقى فى شارع الهرم وجروبى وشارع شهاب

بس لو طلعنا بره مثلا هنلاقى

الاسبان

يقوم بتناول 12 حبة من العنب عندما ينتصف الليل إيذاناً ببدء العام الجديد، لاعتقادهم ان ذلك يجلب لهم الحظ على مدى الاثني عشر شهراً المقبلة، وهذه العادة متأصلة لديهم لدرجة ان دور السينما والمسارح توقف عروضها في الساعة الثانية عشرة حتى يتمكن المشاهدون من تناول حبات العنب التي أحضروها معهم.

وفي نيجيريا،

يتم إطلاق الأسلحة النارية والسهام المشتعلة، وإلقاء الأخشاب في الشوارع في منتصف الليل، لاعتقادهم بأن ذلك يؤدي إلى إبعاد الشرور

السودان

ويقوم الشباب بالتجمع في الشوارع العامة ورش السيارات والمارة بالماء تعبيراً عن فرحتهم. كما تقام حفلات شعبية في أغلب الأحيان وتتجمع غالبية الناس في البيوت لمتابعة أحداث الاحتفالات في البلدان الأخرى عبر التلفاز، والاهتمام أكثر بالسهرات التلفزيونية الخاصة في هذا اليوم.

كما يدق اليابانيون الأجراس 108 مرات للغرض نفسه يتم تزيين الابواب بحبال خاصة تسمى «الشيميناوا» اذ يعتقدون بانها تجلب الحظ الجيد لهم وتطرد الأرواح الشريرة.

أما في الفيليبين فيتجمع المحتفلون عند تمثال «جابريلا سيلانج» في مدينة مكاتي بانتظار قدوم العام الجديد، لتضاء بعد ذلك السماء بالألعاب النارية

في روسيا،

وتحديداً موسكو حيث يتجمع السكان في «الساحة الحمراء» عند بناية الكرملين، لمتابعة العد التنازلي للدقائق الأخيرة من العام لتوديعه واستقبال الجديد بالألعاب النارية وتبادل التحايا والانخاب.

أستراليا، حيث يتجمع الناس في مدينة سيدني فوق «مرفأ سيدني» لمشاهدة الألعاب النارية في ليلة رأس السنة.

في حين انه يتم في الدانمارك إحداث الضجة بتكسير الأطباق والأواني الزجاجية على أبواب الجيران، الذين يتعين عليهم دعوة من يلقون الأطباق على أبوابهم، وتقديم الحلوى لهم، لأن ذلك كفيل بجلب الحظ لهم.

ويتبع سكان مدينة نابولي الإيطالية عادة مشابهة، لكنهم يلقون الأواني الفخارية والزجاجية من الشبابيك إلى الشوارع، ولهذا فمن الأسلم ان يتجنب المرء السير في شوارع المدينة في منتصف الليل.

العاصمة اليونانية أثينا فيكتظ معبد «أكروبوليس» بالسكان للاستمتاع بأضواء الألعاب النارية وتوديع العام الحالي واستقبال العام الجديد.

ويعتقد الاسكتلنديون ان أول شخص يخطو داخل نطاق منزل ما، يمثل فأل حظ او شؤم لأصحاب المنزل على مدى العام التالي، لذا يتعين على الشخص في هذه الحالة ان يجلب معه هدية، وألا يكلم أحداً لدى دخوله إلى المنزل، قبل ان يتجه إلى النار المشتعلة لتحريكها، ثم يخرج من الباب الخلفي، بعد ان يتمنى للحاضرين عاماً سعيداً.

أما في الدول الاسكندنافية، فيتم إخفاء قطعة من اللوز في الحلوى التي تقدم بمناسبة عيد رأس السنة، ويعتقد بأن الشخص الذي تكون قطعة اللوز من نصيبه، يزداد حظه في الزواج قبل ان يحل رأس السنة التالية، ما لم يكن متزوجاً بالطبع

أنا حقا أعترض !!!!!

مش هعتبره خروج عن النص ... لأن الخروج عن النص بيطبق على كل ما ندر سماعه او قوله او فعله من افعال او اقوال لأن الناس بتعتبره عيب ....

فى مجتمعنا اللطيف ظهر تعبير لطيف للأعتراض بئه متعارف ومتداول بين الشبابا والشابات ، الكبار والصغار ، والفضل لرائد التعبير

( أحمد مكى ) لما قالها فى فيلم ( اتش دبور ) ( ايه سفن ايه - A7A )

بعد أيام من عرض الفيلم بئت ( A7A ) كلفظ حاجة عادية بين الشباب والشابات خصوصا الشباب لأتساع مجال المداعبات بينهم الى حد يمكن فيه التلفظ وبكل سهولة بكلمة بسيطة زى دى .....

وبالوقت بئت كلمة عادية للولاد قدام البنات والعكس ، ولو مش مصدقنى افتح الفيس بوك .....

وبمناسبة الفيس بوك ... انا فاكر ان واحد صاحبى قال مرة ان ( A7A ) لسه قبيحة برضه مش علشان اتقالت فى فيلم او انها بتتقال بالفرانكو بئت حاجة سبور ، ممكن اللى كان بيمثل أنه مش بيتلفظ بالالفاظ دى يقولها عادى ، ووجه كلامه بشكل خاص للبنات لما لقى استخدام اللفظ زاد بين البنات حبتين .....

بصراحة قرأت رد غريب من بنت أنا معرفهاش شخصيا ... لكن الرد كان غريب فى منطقه ... وكان سبب لكتابتى المقال ده ...

كانت بتقوله : احنا معاكم فى الكلية وفى الشارع وفى كل مكان وبنسمعكم بتقولوا كده طول النهار .. ومش عاوزنا نتأثر بيكم ؟؟!!!!

الرد خلانى أبص للموقف بصورة تانية ... هو ان 99% من افراد مجتمعنا مش بيرفضوا الغلط ولكن بيرفضوا الصورة او الطريقة اللى بيتقال او بيتعمل بيها الغلط ده ...

يعنى ( A7A ) دى هى هى ( أ - ح - ا ) واللى بيقولها عارف كده كويس ... لكن بما ان الناس كلها بتقولها يبقى دى بئت حاجة عادية !!!!!

انا مش ضد فيلم احمد مكى على فكرة .. ، ولا ضد ( A7A ) ولا عمرى هكون ضدها !!!!!!!!!!!

المصطلح ده اختصار لثلاث كلمات هم ( أنا حقا أعترض ) ، يعنى الكلمة فى الاساس مش عيب ، ولكن لأن الناس فى مجتمعنا اتعودوا على السكوت ، وان حق الاعتراض بئه حاجة عيب انك تعملها او تفكر فيها ، بئت ( A7A ) عيب تتقال ،

ولكن مع أول فرصة لقولها لما بئت تتقال بالفرانكو ، الناس رفضت التفكير فى عدم ترديد الكلمة ...!!

ظهر فى الفترة الاخيرة موقع او منتدى عربى اسمه ( A7A )

انا شخصيا من أشد المعجبين بيه ... وبعتبر نفسى واحد من أشد المشجعين للمصطلح للتعبير عن الغضب او ابداء الاعتراض او رفض موقف او سلوك معين ... ، لأنه ساعات كتير بيعبر عن شعور قوى بالغضب و الرفض والاستهجان بتفشل كلمات كتير اوى فى التعبير عنه ...

وشايف انه خطوة كويسة فى مجتمع اصبح أضعف الايمان فيه ( A7A ) .

الهلال والجمل ... الجردل والكنكة

ساعات قليلة جدا وتحسم معركة الانتخابات البرلمانية نهائيا ولمدة 5 سنوات من الراحة التامة لافراد الشعب المنتخبين

مع بداية موسم الانتخابات بتشوف فى مصر اللى مش ممكن تشوفه فى اى دولة فى العالم الا احنا طبعا,لافتات دعائية قماشية تكفى لكسوة نصف المشردين بدون كساء فى كل انحاء مصر,واموال تكفى لسد ديون البلد...لكن هنقول ايه...الانتخابات حرب والحرب كل حاجة فيها مشروعة ...

مع ان الحكومة حددت الحد الاقصى لمعدل الصرف للمرشحين فى حملات الدعاية بدوائرهم الانتخابية بأنه لا يتعدى 20000 جنيه مصرى الا ان المرشحين ضربوا بالقرار عرض الحائط

حيت تعدى معدل الصرف ال 3 مليون جنيه ,يعنى ال20000 دول ممكن بس يكونوا تمن السجاير اللى بتتوزع على الناخبين,

طبعا هتقولوا طب وليه الحكومة مش بتتكلم ؟؟؟؟؟

لا طبعا فى كمية من الشكاوى تتعدى 10000الاف شكوى فى مجلس الشعب ضد المرشحين لعدم التزامهم بالقرار ...لكن مجلس الشعب هيعمل ايه يعنى؟؟؟؟؟؟

هيلف يشوف ده وزع كام بطانية,ولا ده دبح كام عجل فى العيد,ولا ده وزع كام علبة سجاير ولا ايه ولا ايه ولا ايه؟؟؟؟؟؟؟؟؟؟؟

المشكلة مش فى مجلس الشعب ولا فى المرشحين

المشكلة فى اللى اتاح للمرشحين التصرف بالاسلوب ده

إللى إدى لعضو مجلس الشعب أو الشورى الشقة والعربيه والحضانة والمرتب العالى

ليه يتاح ليهم كل ده وهما أساسا مش محتاجين ؟

فى الأول والاخر دول ناس المفروض إنهم مننا

والمفروض إننا أختارناهم علشان يحلولنا مشاكلنا

ليه ميبقاش بنى ادم عادى زيه زى اللى هو بيحلله مشكلته ده مجازا يعنى إذا حل المشكلة؟!

إحنا محتاجين تغير فى القوانين علشان ميبقاش حد فعلا فوق القوانين

لوغيرنا قانون الضرايب إللى بينص على إن كل من زاد دخله عن 40,000 يدفع 20% ضرايب

يعنى اللى بياخد 40000 يدفع 20% واللى بياخد 2 مليون جنيه يدفع برضه 20%

لو اتغير القانون ده وبئة معدل الضرايب تصاعدى للمستثمرين ورجال الاعمال ... هيبقى فى فائض فى ميزانية الدولة بعد الفلوس الكتير اللى عمالة تترمى فى مشاريع مش بتكمل علشان نسد الديون اللى زى الهم على القلب

ومش هيبقى فى استفزاز فى معدل صرف المرشحين فى الدوائر الانتخابية .

لكن لو بصيت لعملية الانتخابات من بعد سياسى هتلاقى ان الانتخابات البرلمانية السنة دى مؤشر لمنعطف خطير فى تدهور احوال البلد السياسية

الحكومة رفضت الرقابة الدولية على الانتخاباتبحجة ان احنا عندنا المراقبة الوطنية ومنظمات الحقوق المدنية ، وبيقول الحزب الوطنى ان اسرائيل هى الممول الرئيسى للجنة المراقبة الدولية على الانتخابات ، وبالتالى فالهدف من ارسال اسرائيل للجنة المراقبة هى تشويه صورة الانتخابات المصرية والتشكيك فى نزاهتها ، ده على اساس انها نزيهة .

ولما تيجى تسأل الحزب الوطنى هل بتعتبر اسرائيل دولة عدوة ام دولة صديقة ؟ يكون الرد بأن اسرائيل دولة عدوة ، طبعا مع استمرار تصدير الغاز بأسعار تفضيلية لاسرائيل ، وساعتها بيكون الرد بأن الحكومة بتصدر الغاز لشركات اسرائيلية فى اسرائيل مش لاسرائيل !!!!!!!!!!

والسنة دى فى ظل الاستعداد لانتخابات الرئاسة كمان كام شهر كده هتكون الانتخابات البرلمانية السنة دى عبارة عن حرب بين الحزب الوطنى والاخوان المسلمين .

الحزب الوطنى بيراهن على الاعادة من خلال ترشيح 4 و 5 و 6 مرشحين فى نفس الدايرة الانتخابية علشان لو وقع واحد فى غيره 2 و 3 و 4 و 5 فى ظل استخدام الاخوان المسلمين لأساليب ملتوية فى الفات الانظار للأنتخابات .

من كام يوم قبل الانتخابات تم الحكم من قبل محكمة جنح الاسكندرية على 12 عضو من اعضاء جماعة الاخوان المسلمين والمرشحين للانتخابات البرلمانية بالسجن عامين لاستخدامهم شعارات دينية ضمن حملاتهم الدعائية والتى تم تجريمها منذ عام 2007 .

انتوا عارفين موقف الاخوان ده بيفكرنى بأيه ؟

انتوا عارفين لما يكون فى واحد مسجون وييجى الظابط علشان يرحله لحبس انفرادى او يديله علقة ... فيقوم السجين ده مطلع موس من تحت لسانه ويشرح نفسه ويصرخ ويقول الحقونى ... الظابط هيموتنى ... فيجرى الظابط من قدامه .

ده فعلا اللى هيعمله الاخوان المسلمين يوم الانتخابات ، هيلموا الفضائيات المشتاقة لتلك المناظر عند 3 او 4 دوائر انتخابية وهيقوموا بده ردا على رفض الحزب الوطنى لفرض الرقابة الدولية على الانتخابات البرلمانية .

بس بصراحة فى نماذج من القادة لجماعة الاخوان المسلمين زى الدكتور محمد البلتاجى بيقوموا بمسيرات سلمية فى قمة الاحترام والالتزام .

وانا عاوز اقولهم كلمة ... انتوا عارفين ان الممول الرئيسى للجنة المراقبة الدولية هو اسرائيل فعلا ... افرضوا انهم جم وشافوا ان الانتخابات بتاعتنا مزورة فعلا ... وكتبوا التقرير ... وقبل ما يرفعوه لمنظمة حقوق الانسان صدر قرار بمضاعفة الغاز المصدر لأسرائيل وبنفس السعر الاصلى ... هل يا ترى هيرفعوا التقرير فعلا ؟؟؟؟؟؟!!!!!!!!!!!!! طبعا لأ !!!!!!!!

الحكومة بتبنى دلوقتى سجن على مساحة 45 فدان فى جمصة ... بتبنيه لمين ... الحدق يفهم بئة ؟؟؟؟؟!!!!!!!

يبقى فى الاخر احنا محتاجين وحدة وطنية حقيقية لمستقبل البلد دى ... علشانا احنا ... مش علشانهم هما ... لان احنا المستقبل واحنا خير البلد دى ...............!!!!!!!!!!

الى عضوات جمعية الجنس اللطيف

من ايام بسيطة ودعنا عيد الاضحى المبارك ... ربنا يعيده علينا بخير وسلامة

بس انا مش بتكلم عن العيد ... أنا بتكلم عن اللى بيحصل اثناء العيد ... او مش شرط العيد ... اللى بيحصل اثناء الاحتفال بأى مناسبة عامة او عيد قومى من الكتير اوى اللى بنحتفل بيهم فى مصر

كلامى النهارده موجه للأخوات عضوات جمعية الجنس اللطيف

اثناء الاحتفال باى مناسبة ... واوول لما تخرج للشارع ... تلاقى غالبا مناظر بئت متوقعة ...

الواحدة من دول ضاربة فى وشها كام لون كده تخليك تخاف تبصلها اصلا ...

لا والغريب انهم فاكرين بكده انهم حلوين ... ابدا والله يمكن شكلهم من غير المكياج المرعب ده بيبقى اجمل بكتير ...

بس ده ناتج عن عدم الايمان عند 90% من بنات الجيل الحالى انهم حلوين

وانها فى الاول والاخر بنت ... وهييجى يوم تتشاف فيه على حقيقتها ... لكن للأسف ده اللى بيحصل

لكن هما معتقدين انهم بالمنظر ده بيبقوا اكثر جمالا وبالتالى لازم يعملوا كده يمكن يلحقوا القطر قبل ما يفوتهم !!!!!!!!!

تلاقى البنت ملونة جفونها بأخضر او بنفسجى ... وتحت عينيها بسيلفر او بنفسجى برضه وتلاقى امتار من الرموش مش عارف بيعملوها ازاى دى بصراحة ... وخدودها بأحمر هادى شوية ... وشفايفها بأحمر فاقع جدا ...

ده مذهب من المذاهب ... وبتتعدد المذاهب دى على حسب غادة عادل عملت ايه ؟ ... او نانسى لونت شعرها ازاى ؟ ... او ممكن على حسب زوء اللى بتحط الميكب او المكياج ... عافاك الله !!!!!

وتلاقى 70% من ال90% من البنات اللى بتتمثل بالمظهر ده

لابسين بادى ضيق جدا ... وبنطلون أضيق بكتير جداااااااااا حاجة كده 3d ...

مع وجود تاتوز فى بعض المناطق على واليدين والخدود والكتفين والرقبة

وعلى كل اللى فات ده

تلاقيهم لابسين حجاب مكون من 3 طرح كحد أدنى ... طبعا مختلفة الالوان على حسب المناسبة

انا فاكر كويس اوى ... ايام ماتش مصر والجزاير ... كنت الاقى البنات كلهم لابسين 3 طرح بعدد الوان علم مصر

ده مقبول نسبيا بالمقارنة بميكس الالوان اللى بيحصل فى الاحتفال بأى مناسبة تانية من حيث انه راحة للعين ...

فى سؤال بئة ... ملح عليا أنا شخصيا

سيبك من الطرح والواناها ... لابسة الحجاب على الجينز ليه ... أنا مش عارف ... !!!!!

لا واذا اسعدك الحظ وعدت من جنبك البنت دى ... هتشم ميكس من برفانات مشميتهاش قبل كده ولا عمرك هتشمها بعد كده

ولو اتكلمت معاها اول كلمة بعد التعارف ... لما تسألها هتعملى ايه دلوقتى ؟ تقولك مش عارف وقيس على ده كل الكلام

انا مش ضد الجمال ... ولا ضد ان الواحدة او الشخص عموما يحاول يخلى نفسه أجمل

انا ضد الاستفزاز فى اللبس والكلام والتصرفات والحركات

كل حاجة حلوة فى المعقول ... بس الشىء لما بيزيد عن حده بيتقلب لضده

فى الاخر ... رجاء من شاب طهقان ... ارحمونا شوية ...

بلاش البنفسجى والاحمر والاصفر والليمونى والفوشيكا والاخرق يدخلوا ضمن طقم واحد

وبلاش البرفانت اللى تزكم دى

وفى ته مربوطة بتتحط فى اخر الكلمة بالنسبة لكم

وكمان بلاش الطرحة مع الجينز الضيق خصوصا لو لونه تلجى

لان لو اسمريتوا بالمنظر ده مش هيبقى فى الا حل من اتنين ...

يا تقلعوا الطرح ... يا تقلعوا الجينز !!!!!!!!!!!!!!!!!!!!

كرتون رائع عن الإنتخابات المصريه .. خد على قفاك

8 أسباب للتعاقد مع شيكابالا

واحد زملكاوى : شفت يا عم عملنا ايه فى المصرى امبارح

شوفت شيكابالا

وانتوا خسرتوا من الاسماعيلى 3

تلاااااااااااااتة

واحد اهلاوى صاحبه : اه شفت الماتش مبروك يا عمونا بقيتوا الاول فى الدورى دلوقتى 24 نقطة

الزملكاوى : اه الاول طبعا غصب عن اى حد

الاهلاوى : براحة على نفسك شوية يا عم

بس هقولك ايه

انتوا فرحانين فرحة الاهبل بما انكم متعرفوش يعنى الاول من 7 سنين

ده انتوا لو فى كلية الطب كنتوا اتخرجتوا

يعنى انت خلصت ثانوية ودخلت كلية التجارة وخلصت ومشفتوش الدورى

حقكم بصراحة تفرحوا بئة

الزملكاوى : اه طبعا هنفرح وهنغلبكم كمان فى الماتش اللى جاى

هنوريكم شيكابالا هيعمل فيكم ايه ؟

الاهلاوى : يا عم اسكت بس

مش شيكابالا ده اللى عمل نفسه عيان ومرضيش يروح المنتخب

ولعب مع الفرقة ال96 دقيقة

بتوع النادى المصرى لو بيفهموا

يقدموا احتجاج لاتحاد الكورة يخصموا منكم التلات نقط ويحسبوهم ليهم هما حسب قانون الفيفا

الزملكاوى : بس ياد

انتوا بتحقدوا علينا علشان احنا احسن منكم وعندنا لاعب احسن من الفرقة بتاعتكم كلها

الاهلاوى : انتوا عندكوا لاعب بجد والله

يا عم اسكت بس

يابنى احنا فى مئويتنا جبنا برشلونة

وانتوا فى مئويتكم بتقولوا سلفونا

لأ وعاملين خط ساخن للتبرعات

اسكت يا عم

بتلموله فلوس علشان يلعب

الزملكاوى : اه طبعا

شيكابالا برقبة الفرقة بتاعتكم كلها ... عارفه

الاهلاوى : اااااااااه شيكابالا

اسمه محمود عبد الرازق

سنه من مواليد 5 مارس 1986يعنى عنده بتاع 24 سنة

لقبه شى .. شى .. شيكابالا

مهنته لاعب كرة بنادى الزمالك لم يحرز اى بطولة محلية فى حياته ولا بطولة افريقية ولا بطولة دولية فى ماعدا بطولة كأس افريقيا بأنجولا عام 2010 البطوبة التى لم يشارك فيها الا ب28 دقيقة بس

لا معرفوش !!!!!!!!!!!!

الزملكاوى : حمرا ياد

الاهلاوى : ياااااااااااه ... هى انتوا بتناموا تحلموا بيها ؟؟

الزملكاوى : هى ايه دى

الاهلاوى : الفانلة بتاعتنا يا عم ... انت فكرك راح لفين ؟؟؟ أنا غرضى شريف

الزملكاوى : والله لنقطعكم الماتش الجاى انتوا اصلا بتحقدوا علينا والله

الاهلاوى : ليه ... علشان عندكم خطين حمر ؟؟؟!!!

الزملكاوى : اتريق براحتك ... بكرة هنوريكوا اللى عمركم ما شفتوه

الاهلاوى : احنا رجالة .. مبنشوفش الحاجات دى

الزملكاوى : هو ايه ده ؟؟؟

الاهلاوى : الماتش يا عم ... انت فكرك راح لفين ؟ انا غرضى شريف

الزملكاوى : اه الماتش ... ده حسام حسن هيخليكوا تلفوا حوالين نفسكوا

ياه لو هو وشيكابالا يمضولنا عقد مدى الحياة

الاهلاوى : انا لو منكم فعلا امضى مع شيكابالا على طول

الزملكاوى : ليه بئة

الاهلاوى : بسخرية (الجهل اشتغل بئة) أقولك يا عم

فى 8 أسباب للتعاقد مع شيكابالا:

يعنى بصراحة متعدد الاستخدامات

يعنى ممكن تحطه فى اى حتة هيشتغل برضه

الزملكاوى : هو مين ده ؟

الاهلاوى : شيكابالا يا عم ... انت فكرك راح لفين ؟؟؟ أنا غرضى شريف

السبب الاول

بيعرف يلم الكورة صح

عمره ما بيضيع كورة

يعنى عمرك ما تحدفله كورة بره الملعب وميلاقيهاش

وممكن يشتغلك فى الملعب اوفرتايم كمان

السبب التانى

بلطجى جامد اخر حاجة

يعنى ممكن يشتغل بودى جارد

السبب التالت

بيلمع جزم كويس جدا

شوف جزمته بتلمع ازاى

السبب الرابع

بتاع نسوان وهيظبطكم

يعنى دايس شارع الهرم وشارع شهاب وجامعة الدول وابو رغوة كمان

وده السبب الاهم

هيظبطك فى اى مصلحة

السبب الخامس

بيحيي افراح كمان

اه وربنا ... يعنى لو عندك فرح فى النادى

او اى لاعب واتزنق فى مطرب

ناديله هو هيقوم بالواجب

الزملكاوى : واجب ايه ؟

الاهلاوى : هيغنى يعنى يا عم ... انت فكرك راح لفين ؟؟؟ أنا غرضى شريف

السبب السادس

سواق لانشات جامد اوى

يعنى لو حبيت تطلع رحلة انت والمدام

هيكون فى الخدمة

ايه انت مجربتوش قبل كده ؟

الزملكاوى : هو ايه ده ؟

الاهلاوى : على فكرة انت انسان مستفز ومصطنع وغير محترم بالمرة

على طول فكرك يروح لحاجات كده ... مش ولابد

انا اقصد شيكابالا يا عم

انت عارفنى يا عم

اغراضى كلها شريفة

السبب السابع

بيجيب هدوم جامدة اوى من عند ابو نسمة

يعنى هيعرف يورد لكم فانلات

بدل اللى عمالين تخترعوا فى امها دى ومش عارفين تشيلوا الخطين الحمر برضه

الزملكاوى : هى ايه دى ؟

الاهلاوى : الفانلة بتاعتكم يا عم ... انت فكرك راح لفين ؟؟؟ انا غرضى شريف

السبب التامن

مكن يشتغل رقاصة

اهوه يشتغل بلقمته

لا وبيقول الفاظ سافلة كمان من اللى بتعجب الجمهور بتاعكم

يا عم الحمد لله انى اهلاوى

مكتوب عالجبين بالدم ناس تمشى شايلة الهم محرومة من الافراح

منعرفش غير الاخلاق والادب والاحترام

خليهولوكوا

بس فرحونا بئة وخدوه

الزملكاوى : هو ايه ده

الاهلاوى : الدورى يا عم ... انت فكرك راح لفين ؟؟؟ أنا غرضى شريف !!!!!!!!!!!!!!!!!!!!!!!

كفاية يا بدرى ... الاهلى كبير عليك

بما انى رياضى ... فأنا مش متعود اكتب مقالات رياضية ... مقالاتى كلها سياسية او سياسية اجتماعية

لأيمانى بان التحليل الرياضى وجهات نظر ........

لكن فى بعض المواقف بتتعدى وجهات النظر الرياضية ... الى الاستفزاز الغير مبرر ...

وقد ثبتت صحة المواقف ... التى تعدت كونها مواقف الى حقائق

بداية ... انا اهلازى صميم ... بشجع الاهلى من ساعة ما عرفت يعنى ايه كورة

مخترتهوش

لكن اتولدت لقيت نفسى اهلاوى

النهارده 17 اكتوبر خروج النادى الاهلى من بطولة افريقيا ابطال الدورى

امام منافسه نادى الترجى التونسى باستاد 7 نوفمبر بمدينة رادس التونسية

انا مش هتكلم عن الحكم ... او الهدف اللى احرزه انيرامو لاعب نادى الترجى التونسى نيجيرى الجنسية

اللى تعمد احرازه بأيده

لكن انا عاوز اتكلم عن اسوء مدرب فى تاريخ النادى الاهلى

الا وهو ( حسام البدرى )

اولا ... اثبتت الايام ان فترة تولى حسام البدرى لمهمة تدريب الفريق الاول لكرة القدم بالنادى الاهلى

انها اسوء فترات النادى على الاطلاق

بصرف النظر عن حسم النادى الاهلى لبطولة الدورى فى اول موسم لتوليه المسئولية

فالنادى الاهلى حسم البطولة بخبرات لاعبيه

حسام البدرى مدرب لا يقوى على ادارة او قيادة فريق بحجم وثقل النادى الاهلى

فقد اثبتت النتائج ان هذا المدرب لا يجيد التعامل مع مباريات البطولات

صاحب فكر شاذ ... يريد ان يثبت للجميع انه الامثل فى فترة توليه وانه الاجدر بتولى مهمة تدريب الفريق

بيحاول يتقمص شخصية الممثل القدير ( احمد مكى ) فى فيلم طير انت

لما كان احمد مكى متقمص شخصية الكابتن ( حسن شحاتة ) فى المشهد بتاع مباراة مصر والسنغال

لما سحب ميدو من المباراة ودفع بعمرو زكى بدلا منه

وتعدى ميدو بالالفاظ على احمد مكى بسبب سحبه من المباراة

وبعدين عمرو زكى احرز هدف الفوز على السنغال بعد نزوله الملعب بدقايق

ساعتها وقف احمد مكى وقال : ( أنا صح ... أنا صح ... أ،ا اللى جبته من انبى ... أنا صح )

ده المشهد الوحيد اللى اقدر امثل بيه الشخصية اللولبية لحسام البدرى

اثبتت النتائج كما ذكرنا ان هذا الشخص لا يجيد التعامل مع مبارايات البطولات او المبارايات خارج ارضه

اولا مبارايات البطولات

المباراة الاولى :

مباراة الاهلى وحرس الحدود ضمن بطولة السوبر المصرى لعام 2009

خسر الاهلى الماتش ده بنتيجة 2/صفر

مع العلم بعدم التقليل من شان فريق مخضرم مثل حرس الحدود

المباراة الثانية :

مباراة الاهلى وحرس الحدود بنهائى كأس مصر عام 2010

خسر الاهلى 4/3 بركلات الترجيح

المباراة الثالثة :

الاهلى وحرس الحدود ضمن بطولة السوبر المصرى 2010

فاز الاهلى 1/صفر بهدف ابو تريكة بكرة قدرية لولا انها اتت للاعب مثل ابو تريكة

لكن الفوز الثالث على التوالى لنفس الفريق

مما يدل على تعتيم الظل الفكرى للتعامل مع مباراة بطولة طرفها الاخر هو نفس الفريق لمدرب كهذا

ليدلى القدر لنا لسانه حتى تكشف الاقدار عن القدرات الحقيقية لمدرب قليل الموهبة

المباراة الرابعة :

الاهلى والاتحاد الليبى بليبيا

فوز الاتحاد الليبى 2/صفر على النادى الاهلى

المباراة الخامسة :

الاهلى وهارتلاند النيجيرى بنيجريا

تعادل الاهلى وهارتلاند 1/1 من ضربة جزاء احرزها ابو تريكة

المباراة السادسة :

الاهلى وشبيبة القبائل الجزائرى بالجزائر

فوز شبيبة القبائل الجزائرى 1/ صفر

المباراة السابعة :

الاهلى والترجى التونسى بتونس

فوز الترجى التونسى على النادى الاهلى 1/صفر

انا مش بسرد خيبة الفريق فى عهده

لكن دى الارقام والحسابات

يعنى دى حقائق

بدون الخوض فى تفاصيل

لأن كل مباراة ليها ظروفها

لكنه بعد اللى حصل فى مباراة الاهلى والترجى التونسى بتونس

كتب شهادة وفاته فى قلوب ملايين من جماهير النادى الاهلى العاشقة والمؤيدة للفريق

لانه اثبت انه يهمه زعل فلان وعلان على مصلحة الفريق

لما يكون مثبت لاعب زى شهاب الدين احمد اربع مبارايات فى ارض الملعب

لأيقاف حسام غالى افريقيا

ولما يرع حسام وهو مش فى حالته يشركه عادى تماما

ولكنه اكتشف انه فى حاجة للاعب الشاب

ولكن لضيق الوقت

لا نملك ان نلوم شهاب الدين احمد

كما ان التغيير الاول فى المباراة

باستبدال سيد معوض

قتل الجهة اليسرى بعد طرد بركات

ولكن لن نتطرق للمحات الفنية

لأنها وجهات نظر

ولكن يحسب ليه

اختيار وتصعيد عناصر شابة

مش علشان مصلحة الفريق

لكن لتلافى ما انتقد الصحفيون به المدرب السابق الساحر البرتغالى مانويل جوزيه

وتحسب ايضا له نظرته فى اللعب فرانسيس

مش فاضل الا فرصة أخيرة لتعويض الفائت

الدورى + الكاس + السوبر المصرى

اذا اردت الاستمرار فى قلوب جماهير الاهلى الوفية

فيما عدا ذلك

رجاء ... ياريت تقدم استقالتك وتمشى

كفاية يا بدرى ... الاهلى كبيرعليك

بلاغ للنائب العام

ده كان عنوان ايفنت عالفيس بوك ... دخلت ... وياريتنى ما دخلت ... لما دخلت قرأت الفاتحة على بلدنا ... لما لقيت البلاغ مضمونه دعوى لأغلاق قناة نسائم الرحمة ...

الغريب انى مقرأتش الفاتحة علشان هيقفلوا القناة ... ولكن لسبب أقامة الدعوى ... السبب هو ان الشيخ محمد حسان أجاز بيع الاثار ... طبعا مصدقتش الا لما شفت وسمعت الفتوى صوت وصورة ... قبل ما نناقش موضوع الفتوى ... هقولكم نص او مضمون الفتوى :

" بيع الاثار حلا ل شرعا ...اذا وجدتها فى بيتك او فى أرضك ... فهى ملك لك ... رزق ارسله الله اليك ... اذا وجدتها على هيئة ذهب او فضة فهى ملك لك تتصرف فيها كما شئت ... أما اذا كانت على هيئة تماثيل او ما شابه ... فواجبك ان تطمسها ... اما اذا كانت الاثار ملك للدولة ... فليس من حقك ان تعتدى عليها ولا حق لك فى التصرف فيها ... "

بعد ما خلص الفيديو فضلت 10 ثوانى على الاقل مش عارف اصدق ولا اشغل الفيديو تانى يمكن الكلام يتغير ...

ناخد الموضوع من الاول .. أولا الشيخ محمد حسان بيعتبر عند كتير من الناس رمز يحتذى به ... وقدوة فى كلامه وتصرفاته ... فتواه بتعتبر سيف او أمر عند كتير من الناس ... ونظرا لما يتمتع به الشيخ من شعبيه هائلة ... وخصوصا فى طبقة الناس الغلابة ... كان المفروض انه يراعى الموقف والوضع الاجتماعى الذى وضع نفسه فيه ... فمش من حقه انه يستخدم منبره الخاص فى أصدار فتاوى من السهل انها تشجع الناس على اتباع اساليب غير قانونية واللى بدورها ممكن تعمل على زيادة الفوضى فى بلد مش ناقصة فوضى ...

ثانيا ... الفتوى بايجاز بيع الاثار حتو ولو كانت ضمن ملكيات خاصة بتعد عدم مسئولية ... لأن الاثار دى ملكية عامة ... تراث وتاريخ من حق كل مصرى انه يستمتع بالنظر والتعرف اليه ...

يعنى لو ماشى فى الشارع ولقيت شنطة فلوس ... المفروض انى اوصلها لصاحبها ... واذا مكنتش اعرف صاحبها ... يبقى واجبى انى اوصلها للى ممكن يوصلها لصاحبها ... مش معنى انى انا اللى لقيتها انى اعتبرها ملكى ... اتصرف فيها كما شئت ... والا يعتبر ده خيانة للأمانة ....

ثالثا ... الشيخ افتى بأن الاثار لو كانت دهب او فضة يبقى على واجدها انه يتصرف فيها كما شاء ... يبيعها ويستفيد بتمنها

أما لو كانت على هيئة تماثيل او ما شابه يبقى على واجدها طمسها ...

وهنا كنت عاوز اقف شوية ...

اللى هيلاقى التمثال الاثرى ( واخدين بالكم من الاثرى دى ) ويكسره او يطمسه كما اجاز الشيخ يبقى بيطمس تاريخ وحضارة بلد بأكملها

... ضيع مجهود ناس تعبت علشان تبنى الحضارة دى

وبعدين انا وعلى الرغم من عدم علمى فى الدين الا بما يميزنى كمسلم عن اصحاب الديانات الاخرى

اعرف ان التماثيل كانت تطمس قبل كده لأنصراف الناس عن عبادة الله الواحد ... وعبادة تماثيل هما اللى صنعوها

أما دلوقتى ... عصر الشرك وعبادة الاصنام انتهى ... ولا فائدة من طمس او تكسير التماثيل بغرض التخلص منها

ثالثا ... انا من انصار الاتجاه اللى بيطالب بمنع عدم المتخصصين من اصدار الفتوى

والشيخ محمد حسن بكاريوس اعلام ... جامعة القاهرة ...

طبعا الشيخ محمد حسان عالم جليل كلنا نجله ونحترمه ... ويحسب ليه انه ثقف نفسه بنفسه ... ما هو ايام الرسول مكانش فى ازهر ولا كليات او جامعات ... مكانش فى غير الكلية المحمدية

لكن للأسف بعد كل اللى سمعناه واللى بنسمعه كل يوم ... لازم نصر على الوقوف على ادعاءات البعض بالعلم فى زمن اصبح فيه العلم مصطلح يباع ويشترى .............

المصيبة انا انسان

فتحنا عينيا عالدنيا قالوا دى بلدنا

بلد ابوك وامك وبلد اجدادنا

قولت وانا مالى مخترتش تكون بلدى

قالى ابويا مقدر ومكتوب يا ولدى

دخلنا مدارسها وفى الطابور واقفين

نحيي علمها ليه محناش عارفين ؟؟؟؟

معلومناش فى المدارس يعنى ايه كلمة بلد

علمونا من العصاية نخاف ونجرى وننفرط

ولما كبرت وعرفت يعنى ايه كلمة بلد

معجبنيش حالها ... كان نفسى اشوفها كويسة

ضحكوا عليا وقالوا على عقلى شرد

ضحكوا وضحكت وضحكوا من تانى وقولت

اذا كانت القماشة اللى معلقينها على سارى

اذا سمعت تحية العلم لفرحتها متقدرش تدارى

وانا لحم ودم مش حيوان ... انا انسان ... المصيبة انا انسان

عندى قلب ... عندى شعور ... عندى احساس ... وكمان عندى لسان

من غيره مقدرش اعيش ... لما افتح الجرنال واقرأ ازمة طابور العيش

مقدرش اكبر دماغى او اعيش فى غيبوبة

وانا اهل بلدى بيقطعوا بعض عشان انبوبة

بتصعب عليا نفسى لما اسمع كلام مسئول ...

بيمدح فى هيفا ونانسى وسايب الناس غرقانين فى السيول

انا مواطن معصور

مش بفتح التليفزيون اتفرج على جلسات المجلس المسرور

ولا يهمنى لا البرادعى ولا ايمن نور

ولا فى يوم دورت على اللى حصل ما بين شوبير ومرتضى منصور

ولا حتى فى يوم هيأكلنى تعديل الدستور

انا واحد من الكتير اللى ساكنين فى القبور

انا الوبا ... اللى بيخاف الغنى اعدى من قدام عريبته لأوسخها

اقولك ... انا انفلونزا الطيور

وانا اللى قطعت النور

انا اللى صدرت الغاز وعملت ازمة البوتاجاز

انا قطر الصعيد

وانا محتكر الحديد

انا ايه ولا ايه ولا ايه ؟

انا مواطن بيعانى من زحمة المواصلات

بعانى من النفس اللى مش قادر اخده جوه العشوائيات

انا مواطن حر ... نفسى ادوق طعم الانتخابات

نفسى انسى فتاوى الفضائيات

نفسى انسى مشاكل التعليم

ميهمنيش لا هشام طلعت ولا سوزان تميم

انا مواطن بسيط نفسى اعيش

نفسى لتعشى حتة جبنة قريش ... وجنبها حتة خيار

مش بحسد ابو الاربعين مليار

مش بالجنيه المعفن ... لا بالدولار

نفسى اغمض عينى وافتحها من جديد

ملاقيش لا معارضة ولا احزاب

ولا الاقى فى بلدى مشكلة عالنقاب

ملاقيش اللى حلل ارضاع الكبير

ولا اللى حلا شرب بول البعير

ملاقيش انفلونزا الخنازير

ولا الاقى اهلى عايشين وسط الصراصير

غمضت عينى وفتحتها

لقيت كيلو اللحمة بئة ب80

ولقيتنا فى الزبالة غرقانين

لقيتنا فى ازهى عصور الديمقراطية

بندفع غصب ضريبة عقارية

قولت ياريتنى ما غمضت

ولا ياريتنى ما فتحت

شكلى معرفتش يعنى ايه كلمة بلد

وكان عندهم حق لما ضحكوا عليا وقالوا على عقلى شرد

اصلى لحم ودم ... مش حيوان

المصيبة انما انســـــــــــــــــــــــــــــــــــــــــــــــــــــــان

الفرق بين مصر واوروبا

الزوجة التانية

مش فيلم سعاد حسنى ولكن استفسار وتوضيح لحاجة
بنشوفها على طول اذا مكناش عيشناها
ولمسناها على ارض الواقع ..........
انا مش هتكلم عن ايه اللى يخلى الراجل يتجوز؟؟؟؟؟؟؟؟؟
ولا عن اللى حدده الشرع ؟؟؟؟؟؟؟؟
ولبا عن انه المفروض يبلغ مراته الاولانيه ؟؟؟؟؟
لكن هنتكلم عن العلاقة بين الزوجتين
الاولى والتانية ...........
على طول بنشوف العلاقة بين الضراير (علاقه ندية)
وعندهم حق مع ان البدايه بتكون من الزوجة الاولى
بتشوف ان التانيه خطفت منها جوزهاوابو عيالها .........
وتبقى التانية فى نظرها خطافة رجالة وخرابة بيوت وما الى ذلك من صفات تلتصق بالزوجة الثانية فى مجتمعنا او فى اى مجتمع
ولو بتحب جوزها اوى تقول هى اللى لفت عليه وغوته
ولو مش بتحبه تقول عينيه زايغة
ومش بترجع الاسباب لنقص هى عيشت فيه جوزها
المهم ........
فى معظم الاحيان بتكون الزوجة الثانية بنت عادية او ست محتلامة
اتقدملها العريس المتجوز
ولأن فى بطالة = مفيش شغل = مفيش فلوس + زيادة الطلبات + ارتفاع نسبة الاناث بالمقارنة بالذكور اللى هى 9 : 1 = مفيش جواز = ارتفاع نسبة العنوسة فى البلد

بتضطر توافق ......
يعنى هى كانت قاعدة فى بيت اهلها وعريس اتقدملها ..........
وافق على شروطها وعلى شروط اهلها
وافقت تتجوزه
يبقى ليه المعاملة دى !!!!!!!!!!!!!

السبب هو حب التملك عند المراة
مش هقول طمع
لكن هو حب تملك وسيطرة
لغريزة من غرائز المرأة عموما .....
طبعا ده مش حكم ذكورى عنصرى لكن هى بتعكس التصرفات بين الزوجتين المشتركتان فى زوج واحد ......
بتشوف ان التانية اخدت منها حاجة ملكها او جزء منها مع انها ممكن تكون مش بتشوفه الا كل كام شهر ....
ولكن بمجرد ما تعرف انه اتجوز نار السيطرة مش الغيرة بتشتعل ...
مع عدم التعميم .. فى ناس لسه بتحب بجد

لكن فى كل الاحوال .... للأسف ... هى حواء ... نصف المجتمع ..............................................

0900 يا ترى مين خليفة (كرومبو)؟؟؟؟

كلنا شفنا فى رمضان اللى فات وقبل رمضان كمان وبنشوف لحد دلوقتى المفتش كرومبو....كانت حلقاته قبل رمضان أسبوعية لكنها بقت يومية فى رمضان
مانكرش ان حلقات المفتش كرومبو كانت مسليه
مع انها كانت بتتطرق للتفاهة فى بعض الاحيان لكنها كانت لذيذة فى معظم الاحيان .......
المهم انه فى الاخر مش عباره عن مسلسل او حلقات ترفيهة للاطفال اد ما كانت سلعة تجارية لجنى الاموال والتلاعب بعقول المصريين كبارا وصغارا
المغزى مكانش فى فكرة الحلقة او فى الافيهات اللى بتترمى بين ابطال الحلقة لكن المغزى فى كيفية استفزاز المشاهد....
استفزازه بأن المسابقة بسيطة وسهلة مما يدفع المشاهد الى التفكير واليقين بأنها فى متناول يده وانه يقدر يجنى ثمرة فى المكافأة وهو قاعد قدام التليفزيون....
بدون تعب او جهد....
واللى بدوره بيدى احساس بانى ممكن احقق الثروة بدون مجهود....
=زيادة البطالة يعنى مفيش شغل واللى شغالين مش عاوزين يشتغلوا
وده بالظبط اللى حققه المفتش كرومبو فى 30 يوم فى 30 يوم مده شهر رمضان وصلت ارباح الانتاج ل400 مليون جنيه مصرى اى ما يقرب من نصف مليار ..
ده المفتش كرومبو لوحده واللى ممكن نقول انه بيتمتع بنوع من المصداقيه لأن فى فائز حقيقى .....
ونتيجة لمصداقيته عند المشاهد من خلال الدعم بالظهور مع رؤساء احدى القنوات المحبوبة جدا لدى المشاهد فى رمضان قدر انه يحقق مكاسب اعلى ....
لكن على غرار كرومبو بتطلع مسابقات وحلقات ومسلسلات شبيه هدفها النصب .
بقت اى حاجة فى حياتنا ممكن نوصلها عن طريق الرقم السحرى (0900) المقال ده انا مكتبتوش علشان امدح او ازم فى كرومبو لكن علشان ننظر نظرة عميقة لواقع مجتمعنا .......
بنقول مفيش شغل والحكومة مش موفرة خدمات والنظام مش عارف ايه مع ان العيب فينا احنا بلد نامى وبنصرف 400 مليون على مسابقة واحدة ونقول مفيش فلوس مفيش شغل مفيش ومفيش والحقيقة ان مفيش وعى اصحوا يا مصريين قبل فوات الاوان ...............................

الجرايد المصرية

من زمان...........من ايام ثانوية عامة تقريبا...........
من قبل ما ابطل اقرأ جرايد......... انا اصلا مكنتش بجبها علشان اقرأها.......
كنت بجبها علشان الاسئلة اللى كانت بتنزل قبل الامتحانات..........
بس اهوه كنت بتسلى فيه طالما جبته....عمرى ما شفت مثلا سلسة مقالات بتكشف رجل اعمال فاسد من كبارات البلد....زى ما بنشوف فى الافلام .............عمرى مل لقيت تحقيق عن مجرم او تاجر مخدرات ساعد العنصر الصحفى فى القبض عليه......
الجرنال كله عبارة عن 16 صفحة 12 صفحة منهم اعلانات كمجمل
وال4 صفحات الباقية خبرين رياضة...وخبرين حوادث
وصفحة للوفيات والكلمات المتقاطعة وشوية اخبار لتامر على شيرين على عمرو دياب؟
وخبرين يفقعوا على المواطن البسيط اللى ميهموش لا تامر ولا شيرين ولا شيكابالا ولا حازم امام كل اللى يهمه
ازاى اليوم يعدى باقل الخساير المادية والنفسية والصحية
علشان يقدر يكمل رسالته فى شغله ويقدر يربى عياله....
وبيقولك فى جرنال اصفر وجرنال ابيض .
كل الجرايد فى مصر صفرا
الجرنال الاصفر اللى احنا عارفينه بتاع نانسى وهيفا وزوجات القديس
والجرنال الاصفر اللى احنا مش عارفينه وعامل فيها ابيض
الجرايد اللى بتشتريها كل يوم
ايه الفرق بين الاتنين
لو غابت الحقيقة الاتنين فى الحكم سواء..........
اخبارنا بقينا نعرفها من الجزيرة وشوية جر ايد اسرائيلية .
بالذمة مش حرام لكن برضه ليها فايدة اننا بنصح كل الرجال انهم يشتروا كل يوم جرنال على الاقل لانها اتضح فعلا انها بتزود الخصوبة عند الرجال وعجبى .....

سرير الرجل الايطالى

مش عارف .........بس من العنوان ........من الغلاف الاحمر القاتم
المطعم بصور النساء .....محسيتش ولو للحظة انه يستحق القراءة....
وعلشان كده قرأته ...... الكتاب لمحمد صلاح العزب......
مطبعة ميريت.......الكتاب اقل ما يوصف به انه أداه لتحريك الغرائز واثارة ما هو مكبوت من فتن
او شهوة جنسية .....
لا يمث للادب بصله لا فى بعض
العبارات التشبيهيه التى ان دلت فتدل على خيال مريض شهوانى
الكتاب يحكى قصة راجل لم تحدد ملته او جنسيته يقطن باحدى المساكن بايطاليا شغله
الشاغل متابعة عورات النساء والرجال من جيرانه .....
يسكن فى شقه مجاورة رجل ايطالى يتمنى بطل الكتاب لو انه مكانه لو للحظه ..........
يتابعه يعترى عورات النساء ويفعل مالم يأمر به دين ........
يتابع جاولته من النساء اثناء خلعهن ملا بسهن ..
ثم يختلى ليجامع كل هؤلاء فى خياله .........
ثم يعرض الكتاب جانبا من حياه الرجل الايطالى الساكن بجواره
مسلطا الضوء على الوجه الدينى لهذا الرجل الذى رفص
كل الاديان وتنكر لها جميعا مصمما على ان يخلق دينا جديدا يكون فيه
هو الا له الذى لن يخلق سوى النساء وزجاجات الخمر
الكاتب محمد صلاح العزب لم يراعى اننا فى بلد
شرقى مسلم التحرر فيه بحدود فأخد يصف
عمليه الجماع بشكل مقزز عنفوى شهوانى .......
لدرجة اننا لما عملنا معرض الكتاب السنوى كنشاط اسرى فى الكليه
اتكسفنا نحط الكتاب ضمن منشورات المعرض
اعتقد ان محمد صلاح العزب لازم يعيد النظر فى كتاباته
ولو قدر يجمع باقى النسخ من دور النشر يبقى عمل خير
البلد مش ناقصة ......البلد مش ناقصة
مش كفايه مفيش شغل =بطاله =مفيش فلوس=مفيش جواز
تبقى البلد مش ناقصه ...البلد مش ناقصة ................

العيش

العيش............. محدش فكر قبل كده الكلمه دى جت منين؟؟؟؟؟؟؟؟
فى الاول العيش ده المعنى الدارج للخبز
ولكن الناس سموه التسميه دى علشان يربطوه بعيشتهم
العيش بكسر العين هو العيش بفتح العين وتسكين الياء والشين
يعنى الحياة
اقل ما يمكن الحياة به هو رغيف العيش ازاى يتحول فى يوم من الايام هو اداة
انهاء الحياة الكلام ده طبعا ليا انا ولكل اللى زيى
مش للاخوه اللى احنا عارفينهم
من يومين فى التليفيزيون على قناه دريم على ما أظن كان فى لقاء
فى احدى البرامج مع وزير التضامن الاجتماعى
قولت
اسمع بيقول ايه .....
اسئله وردود دبلوماسية لحد ما اتسال عن ازمة رغيف العيش ......
قال والله احنا بنبزل
قصارى جهدنا لرفع مستوى خدمة تقديم رغيف العيش المصرى
بأعلى جودة وعلشان كده بنصرف اكتر .......
خلوا بالكم من بنصرف دى والمفروض اساسا انه مدعم وعلشان كده هيرتفع سعر رغيف العيش
من 5 قروش ل ؟؟؟؟ قرش وهيكون نصيب كل فرد 3 ونص فى اليوم
قفلت التليفزيون قبل ما اكسره وصممت انى انزل الفرنة تانى يوم واشوف الرغيف قبل ما يتم اللى قال عليه الوزير.....
نزلت فعلا فى الطابور وبدأت اتكلم مع الناس عن مشكلة رغيف العيش
ده بدون ما افتح موضوع الوزير وكانت الردود فى منتهى البساطة البساطة اللى كانت بتمثلى صدمة متوقعة
اللى يقولى انا عندى 7 اطفال واللى يقولى عنده 4 واللى معندوش
بس موضوع ال3ونص رغيف دول مينفعوش مع واحد صنايعى طول النهار فى الشارع عاوز ياكل ومش لوحده دول مينفعوش اى حد
ولو كنت قولتلهم ان الوزير قال كده كانوا هيضربونى افا
ولانى ليا وسطة ....الواد اللى بيلم الفلوس اعرفة
خدمنى وطلعلى القفص الاول ومشيت
وانا فى بالى ادخل اشوفهم بيعملوا العيش ده ازاى
وقفت ادردش معاه شوية ...... وصلنا لحته العجين
قالى انت فاكر اننا بنعجن بايدينا فى التشت بتاع الحاجة الوالده
لا احنا بنلبس اكياس فى رجلينا
وننزل على العجين لحد ما يبقى زى الفل
وبعدين نقطعة ونحطة فى الفرن
انت فاكر ايه ؟؟؟؟
انت فى مصر يا دكتور
انت فى مصر يا دكتور

منشية ......أم بيومى .........لا بنزيمة ؟؟؟؟؟؟؟؟؟

المكان شبرا الخيمة
الزمان اى وقت بعد الساعة (1) الظهر
صفة استحدثها الجنس البشرى
ليوصف بها أعضاء جمعية بنى البشر الا وهى الجشع
بحكم ان تخصص دراستى يستلزم منى المتابعة والحضور
فانا يوميا خلال رحلتى لكليتى
امر بمرحلتين
الاولانية ميكروباص
التانية المترو
نسيب المترو لبعدين ...
بس لازم نتكلم عن ظاهرة غريبة معرفش اذا كان فى حد فيكم عاشها لكن
بما انى من شبرا فانا بفكر اسيب الدراسة واشترى ميكروباص
بعد ما انزل من المترو متوجها الى الموقف لازم
اكون عامل حسابى على ساعة ساعة ونص
مستنى ميكروباص المسافة اللى هيقطعها
لا تتجاوز 10 او 12 دقيقة
لكن لانى مش قادر امشى لازم استنى فى الموقف
اقولكم انا هوصفلكم المشهد
ساحة كبيرة تتعدى مساحتها 200متر مربع
يعسكر فيها على الاقل 350 شخص
فى انتظار ميكروباص واحد
فجأه يظهر الميكروباص المنتظر على بعد 150 متر على الاقل
عاصفة من الهجوم البشرى على جسم الميكروباص
ولما تيجى تنادى على السواق تسأله رايح فين يبص لك بقرف
ويدور وشه للناحية التانية
دكتور يا اخواتى ؟؟؟؟؟؟؟
على امل التعلق باحدى جنبات الميكروباص
الميكروباص من جوه مخصص ل 11 راكب فقط
لكن لك ان تتخيل ان الميكروباص ده
بيشيل 29 راكب 4سواق
اقولكم ازاى؟
الميكروباص عبارة عن 4 مراحل
الاولى كرسى السواق +كرسى جنب السواق
التانيه كنبه ل3 اشخاص
التالتة كنبه ل 3 اشخاص
الرابعة كنبه خلفيه ل 4 اشخاص
لكن التفكير الاقتصادى بئه سمه من سمات الشعب المصرى فالبيه السواق عامل خشبة بالعرض
قدام كل كنبة يبقى اضرب العدد فى 2
و3 متشعبطين ورا و3 فوق العربيه و2 فى الكرسى اللى جنب السواق
طبعا مش محتاج اوصفلكم بنبقى عاملين ازاى جوه العربية
لكن انا مكنتش هتكلم عن كل ده البيه السواق
اكمالا للمنظومة الاقتصادية
بيعمل ايه؟؟؟؟
بيقسم السكة 3 محطات علشان يضرب الاجرة فى 3
من المؤسسة للبنزيمة نص جنيه
ومن البنزيمة للمنشية نص جنيه
ومن المنشية لام بيومى نص جنيه
والناس مفيش قدامها حل الا انها تدفع
ياريت تنزل شبرا علشان تعرف انك عايش فى مصر .......

علشان التلاتة جنيه

كل ما شعرى يطول
نفس الكلمتين بتوع كل مرة
" يابنى روح احلق ..... شعرك طويل ..... ولا هتربيه زى البنات "
" يا حاج النبى كان مطول شعره "
وفى الاخر بنفذ اللى فى دماغى وبروح احلق
روحت عند محمود الحلاق وفضلت قاعد مستنيه
الولد اللى شغال عنده راح يناديله مرة واتنين وتلاتة
قعدت نص ساعة
لا ياربى ساعةتقريبا
والباشا لسه مشرفش
بعد شوية جه
"ازيك يا حمادة يا عسل "
" ازيك يا محمود "
" انت قاعد بقالك كتير "
" ساعة تقريبا "
راح فجأة ضارب الواد بالقلم على وشه
وقايله " مجيتش تنادينى ليه ؟"
وطبعا الواد مبيتكلمش
طبعا انا زهلت
الواد راحله مرة واتنين وتلاتة
بس هو بيرمى غلطه على الولد
المهم
وهو بيخلقلى
راح برضه فجأة وبدون اسباب ضرب الولد على وشه تانى
والولد برضه مبيتكلمش
قولتله "ليه كده يا محمود ؟ "
قالى " مش عارف ..... بس حاسس انى عاوز اضربه "
قولتله " وعلى كده بتديله كام ؟"
قالى " 10 جنيه فى اليوم "
خلصت وماشى
كانت الساعة حوالى 1 بعد نص الليل
وهو برضه بيقفل المحل وماشى
والواد بيمسح المحل ومروح
بالصدفة كان الولد مروح من طريقى
قولتله " اسمك ايه ؟ "
قالى " اسلام "
قولتله " فى سنة كام يا اسلام ؟"
قالى " انا مش فى مدرسة "
قولتله " اه ... مدخلتش مدرسة اصلا "
قالى " لا ... طلعت من تانية اعدادى "
قولتله " طيب ليه مش كنت بتذاكر يا اسلام ؟"
قالى " والله كنت بذاكر بس الاستاذ كان عاوز يدينى درس بالعافية
ابويا مش معاه فلوس ... والاستاذ عمال يقولى هسأطك
ابويا ريح دماغه ... وقعدنى من المدرسة ... وجيت اشتغل هنا "
قولتله " بس مش شايف انك صغير على الشغل ده يا اسلام ؟"
بما انى لما كنت فى سنه عمرى ما فكرت اشتغل ولا حتى فى الاجازات
كان كل تفكيرى فى البلايستيشن ... العجلة ... العب كورة فى الاهلى ... الخروج ... الايس كريم ...
قالى " ابويا اللى مشغلنى بالعافية والله ... وفى الاخر بياخد الفلوس "
قولتله " بتاخد كام بئة ؟"
قالى " 3 جنيه فى اليوم "
قولتله "بتشتغل من الساعة كام ؟"
قالى " من 9 الصبح ل12 او 1 بليل "
بعدها مقدرتش اتكلم
علشان 3 جنيه يستحمل كل الاهانة والضرب ده كله
بس سألت نفسى سؤال
" مين اللى هيتحمل ذنب اسلام ؟ "
الاستاذ اللى اجبره على الدرس؟
ولا ابوه اللى اجبره على الشغل؟
ولا محمود اللى اجبره على تحمل الاهانة ؟

مجنون ممكن !!!!!

كنت قاعد زهقان
باصص من البلكونة على الجراج اللى قدام بيتنا
لقيت حاجة غريبة
العيال الصغيرين اللى شغالين فى الجراج
بلية وفلفل وسلكة والعتمونى
طفل اسمه العتمونى
بس يلا ما علينا
المهم
عاملين اعتصام قدام عربية الراجل صاحب الجراج
علشان يديهم ساعة راحة فى نص اليوم يلعبوا فيها كورة
ابو تامر صاحب الجراج واقف بعربيته عاوز يخرج
والعيال مش عاوزين يتزحزحوا من قدامه
مسك الشومة بتعته
فتح الباب
وقبل ما تدب رجله على الارض
العيال فص ملح واتنسف مش داب
ملقتش غير انى لازم اضحك
ضحكت ودخلت
جبت قناة دريم
بتفرج على وائل الابراشى
لقيته جايب مظاهرة برضه
والامن ماسك شوم برضه
الناس مش عاوزة تمشى برضه
واول ما قربولهم كله طار برضه
فتحت الجرنال
لقيت بكرة فى اعتصام من مديرى الفنادق
اعتراضا على ارتفاع اسعار اللحوم
حسيت انى لما هجيب جرنال بكرة هشوفهم بيجروا برضه
حسيت انى عايش فى ملل
قلت لنفسى ياترى لو انا الحكومة هعمل ايه ؟
هنفذ الطلبات ولا همسك الشومة ؟
قلت بلاش كلام فى ال................
بس قلت انا بئة هخليهم ينفذولى ولو طلب واحد
انا اللى هغير الروتين الممل ده
لبست هدومى
وسرحت شعرى
وحطيت البارفان
خدت سجايرى فى جيبى
وخدت كل فلوسى
بس علشان اشترى بيها شومة
ماهى رمز القوة فى مجتمعنا
قابلت واحد فى الشارع
هدومه معجبتنيش
ضربته لحد ما مات
والتانى شكله مش مريحنى
ضربته لحد ما مات
ورحت سلمت نفسى
اتحاكمت
حكموا عليا بالاعدام
استنيت اليوم ده بفارغ الصبر
لحد ما جم الصبح قالولى يلا
دخلت وانا بجرى على الاوضه
وقفت وقريت الفاتحة والشهادتين
لحد ما قالى المفتى نفسك فى ايه قبل ما تموت ؟
قولتله يااااااااااااااااااااااااااااااااااه
مكانش نفسى فى الدنيا غير انى اتسأل السؤال ده قبل ما اموت !!!!!!!!!!!!!!!!!!!!!!

حياتنا ...... ولا أغلى !!!!!

" أكاد اختنق ...
وربما اختنقت وفاضت روحى
ولا أحد يبالى .......
أكاد ألا أرى يداى أمامى
ولا أحد يبالى ............
تتعالى سحب الضباب حتى بأحلامى
ولا أحد يبالى ............
كيف سنعيش على أرض امتلأت بدخان وسحب وغيوم وضباب
اينما تسير تستنشق أمراضا ... ترى أمواتا ...و تسمع اهات ... "
الكلمتين دول حسيت انى ممكن اعبر بيهم عن واقع عالم مرير
كل يوم عن يوم بتزيد فرصنا فى الموت
دخان وامراض وسحب وغيوم
ومحدش واخد باله
كله شغال بأيديه وسنانه علشان يخلص على نفسه
الدولة عمالة تعمل مصانع ومصانع ومصانع
تشكر على التنمية ... وتشكر أنها برضه بتخفف عدد السكان
فعلا الدنيا بئت زحمة اوى
محتاجين مكان فاضى نعيش فيه
بس يا ترى مين اللى هيعيش ؟؟؟؟؟
مش أنا ولا انت ولا انتى
اللى عايش فوق مستوى الدخان
اللى بيرمى جوه المصنع ألف عامل
وبكام جنيه تأمين يخرجه بعدها بأسبوع على نقالة
اللى يرمى المصنع فى منطقة الناس فيها
مش بتحلم غير ان يومها يعدى
مش بيفكروا فى بكرة علشان مش عارفين هييجى ولا لأ
مش بيفتكروا امبارح علشان ميقلبوش على نفسهم
المواجع
ومش بيفكروا فى النهاردة علشان اليوم ميطولش
بعد كل ده
ييجى المستثمر الفلانى ابو فلوس كتير
علشان يسحب منهم ارواحهم
يسمملهم افكارهم ........
يمصهم لأخر قطرة ..........
وبعد كده تبقى اجسادهم وقود لمصنعه
بالذمة مش حرام ..................
حلمت انى اكون رئيس العالم ..............
يمكن ساعتها بس
ابقى الرجل الوحيد الذى يحمل الامل لنجاة كوكب كان يدعى الارض ....................

رحلة على سلم بيتنا ( مقال ساخر )

زى كل يوم وبعد محاضرة الحاج فى البيت
اخيرا نزلت من بيتنا
كانت الساعة حوالى 7 الصبح
السكان كلهم طافيين النور
بما فيهم ابويا
ولما تقوله ايد النور كله بثوابه
( مش كفاية الفواتير حراقة ناااااار ..... انتوا مش بتحسوا بحاجة ..... انتوا ...... )
المهم نزلت
طبعا الدنيا ضلمة كحل
مسكت فى الترابزين وكل املى انى اوصل للرقم 33
الرقم اللى بيمثلى نهاية مرحلة السلم
المهم بدأت انزل
عديت سلمة اتنين تلاتة
قولت اطلع الموبايل انور بيه
وفجأة اصطدمت بكائن مش عارف شكله بس اكيد عرفت حجمه
فوقع الموبايل وفصل تماما
كان راجل اكيد
ملامحه مكانتش باينة
بس عينيه كانت بيضا جدا
اول لما بصيتله برألى تبريئة مشفتهاش قبل كده
رفعت ايديا الاتنين ولزقت فى الحيطة علشان اعديه
المهم عدى
ووصلت للرقم 10
دوست على ال11 اللى وصلتنى للمشعارف كام
اصلى دوست على كيس زبالة الساكن اللى تحتينا
الراجل اللى بيمثلى بؤرة الشر فى العمارة
اعتقد انه كان حاطط الكيس فى السكة علشان يلخبطنى فى العدد
المهم قومت فى الضلمة دى
هدومى متفرتكة
ولما حولت انى انفض البنطلون
اتخبطت فى التربزين
فققرت عقابا ليه انى مش هسند عليه
نزلت على السلمة اللى مش عارف رقمها
بس حسيت انى من غير التربزين
ممكن اعمل استعراض باليه بحيرة البجع
او الفراشة الطايرة فى كسارة البندق
روحت رامى نفسى على التربزين
مسكت تانى وبدأت انزل
واخيرا لمحت النور طالع من عند بوابة العمارة
فرحت جدا لأنى تقريبا وصلت
ووسط اجواء الافراح الداخلية
خبطتنى قطة طالعة بسرعة الصاروخ
فكانت صاحبة الفضل فى انى اخدت باقى السلالم زحلقة
ساعتها
مهمنيش انى وقعت ..........
مهمنيش انى اتعورت ..........
مهمنيش انى اتأخرت ...........
المهم انى وصلت ......................... ( تبقى انت اكيد اكيد فى مصر )

قلم رصاص

مش عارف والله فى حاجة غريبة فى الناس اليومين دول
موجة من الخنقة الشديدة بتجتاح حناجر افراد الشعب
حاسس ان مفيش حد طايق حد
الدنيا كلها بتغلى
والاسباب مختلفة
عم علاء البقال مش طايق زباينه
وعم محمود المكوجى مش طايق المكوة بتعته
الناس بتتلكك لبعض علشان تتخانق
فى ثورة داخلية جماعية فى نفوس الناس
مش عارف ده نتيجة كبت طويل
ولا خلاص طفح الكيل
لا الزبون اللى مش طايل رغيف العيش مرتاح
ولا صاحب الفرنة كمان مرتاح
لا اللى ساكن ب600 جنيه مرتاح
ولا اللى ساكن ب7 جنيه مرتاح
لا اللى محجوز على نفقة الدولة مرتاح
ولا الى بيجيله العشا من فرنسا مرتاح
ايه اللى حصل ؟
ايه اللى مخلى الناس تمشى فى الشارع تكلم نفسها
هل علشان مصطبحوش على رأى الواد اللى واقف فى كافيتريا الكلية لما سألته البنت وقالها
ولا علشان الواحد فيهم مش عارف منين ولا منين يلاحقلها
ولا يمكن علشان مش عارفين يودوا فلوسهم فين من كترها
ولا علشان ايه ولا ايه ولا ايه ؟
بهدوء بحس انى محتاج امشى وابعد عنها
وساعات بثور واقول امتى اهج منها
اصلى بتعدى عليا اوقات بحس انى فعلا مش ابنها ...................

هل ممكن يحصل حاجة ؟

قولت اعد اذاكر كلمتين
بس مبعرفش اذاكر الا لما املا المعدة الاول
روحت فتحت التلاجة
ملقيتش حاجة تتسخن
ايشى فول وايشى بيض ومكرونة بايتة من يومين
قولت انزل اجيب كشرى من على اول الشارع من عند عم حسين
لبست الجاكت واتوكلت
نزلت والدنيا سقعة متعرفش البرد ده كله منين
نزلت حاطط ايديا فى جيبى بس برضه الدنيا سقعة
طلعت ايديا وعمال انفخ فيهم برضه الدنيا سقعة
وفجأة بعد اللى شفته
حسيت ان لو فى تالت معانا فى الشارع هيضحك عليا
اصل التانية كانت نازلة بالبودى الاسمر ابو صدر مفتوح
على ميكرو جيب ضيقة مكملاها ببوت
والبرفان لو شميته تدوخ
عينيها السمرا بقت زرقا
والموبايل شغال على اخره
الساعة حوالى 2
والاخت ماشية بتتطوح
النضارة واكلة نص وشها
ودخان السجاير عامل سحابة فوق منها
ولا فارق معاها الدنيا
لو حطيتى الطرحة ولبستى عباية سمرا فوق البودى والجيب
والهاند فرى ممكن يكون فى ايدكى بدل مانتى لافتة نظر الديب ليكى
لو عملتى كده
هل ممكن يحصل حاجة ؟

مصر كلها بتتحدى الملل

من ساعة ما جبت الكمبيوتر الجديد
وأنا بقيت اتفرج على التليفزيون زيارات
بس اغلب الاوقات بتبقى ماتشات الاهلى والمنتخب
اول امبارح النت فصل
وانا تقريبا قفلت كل الجيمز اللى عندى
قولت اروح اتفرج على التليفزيون
جبت قناة ميلودى افلام ......... اللى بتتحدى الملل
كان فى فيلم شغال
قولت اتفرج
مقدرتش اكمل الفيلم لأخره
علشان اخواتى البنات قاعدين
بس اكتشفت حاجة غريبة
اننا بدأنا نتطور
كان الفيلم عبارة عن مبارزة حارة بين بنات الفيلم على أكل الجو
كل البنت ما تقلع اكتر ..... كل ما المخرج يركز معاها اكتر
كل ما فرصتها فى جذب الانتباه تكون اكبر
سألت نفسى سؤال
طيب لما انا متضايق وبنقض الفيلم واللى فيه ..... ليه بتفرج ؟
طيب لما انا وانت وانتى وهو وهى وكلنا نتفرج يبقى احنا عملنالهم اللى هما عاوزينه
حققنالهم النجاح اللى مستنينه
هل بقت دى مقاييس التقدم والتحضر فى السينما المصرية ؟
لو عاوزين المستوى الفنى بتاعنا يتقدم بصحيح
يبقى نقدم الاختلاف اللى بيه نجذب عقل المشاهد مش شهوته
ليه احمد عز على طول يكلع هو اللى بيمثل اتجاه الخير ويكسب فى الاخر ؟
ليه منطلعش كريم عبد العزيز شرير ويتعاقب فى الاخر ؟
ليه ميطلعش احمد السقا فى دور من ادوار احمد سعيد عبد الغنى مثلا ؟
بس برضه مجاوبتش على السؤال
هل الناس بتتفرج علشان زهقت من الاسكيما المحفوظة بالنسبة لنجوم الشاشة الصغيرة ؟
ولا علشان الانحلال تسرب لفئة كبيرة من شعبنا الحبوب ؟
ولا ياترى الناس تكون بتتفرج علشان تطلع الكبت اللى جواها بمنظرين تلاتة ؟
على رأى حنان مطاوع لما قالت :
" تأخرت فى خلع ملابسى فتأخرت نجوميتى "
وعجبى

ينة فليلة تمنع بلاوى كتيرة

اتقابلت انا وايمن صديقى العزيز
كعادتنا على طول بنقلب فى احوال البلد
اخر تعديل للدستور هيبقى امتى ؟
مين الريس اللى جاى ؟
ياترى معتمرى نويبع رجعوا ولا لأ ؟
لحد ما جابتنا السيرة لكنتاكى وسط البلد
ايه رايك فى الساندوتش الجديد بتاع كنتاكى ؟
لا يا عم دول بيقولوا الحكومة مستوردة فراخ مسرطنة
طب ماكدونالز
برضه اللحمة مسرطنة
لأ بئة هنروح دلوقتى وهتشوف
ركبنا المترو ونزلنا قدام الجامعة الامريكية
متجهين الى فرع كنتاكى الكائن بنفس الجوار
داخلين من الباب وقبل ما نفتحه سمعنا كلمتين افرنجى
وفى لحظة بنبص لمصدر صاحب الصوت
وقفنا قدام موقف اقل ما يقال عنه انه اهانة لكرامة المصريين
ياريته من حد غريب
لا مصرى زيي وزيك وزينا كلنا
مجموعة من السياح الاجانب تحديدا يابانيين
طالعين من كنتاكى
قابلهم طفل مصرى ماسك ايد والده
وبيشحت باليابانى
اللى انا وانت وانتى منعرفش نتكلمه
الناس مستمرين فى طريقهم
واخينا وابوه اللى المفروض كفيف بيجروا وراهم فى الشارع
قربوا منهم
والجروب فى طريقه برضه
قربوا اكتر
ومسكوهم من هدومهم فى طريقة توصف بأنها اجبار على دفع الحسنة
ملقوش غير انهم بكام ين
يخلصوا من الشحات وابوه
رموهم فى وشهم
وقال واحد فيهم بالعربى :
" انتم هكذا المصريون تلعنون الظروف والزمان والقدر ونسيتم ان تلعنوا انفسكم "
مقدرتش أرد واقوله لأ
وهقول لأ ليه ؟
ماحنا جوه بلدنا بنهين كرامتنا
وبره بلدنا برضه بنهين كرامتنا
الجشع غطى على مفهوم البلد والشرف والكرامة بالشكل ده
نترمى فى أى شغلانة
ونبات على الارصفة
علشان ترجع بكام ألف
وفى الاخر تسيبهم فى البحر وتطلع للى خلقك
ياترى الظروف هى اللى عملت فينا كده ؟
ياترى مصر تستحق مننا كده
ولا يمكن نفسنا هى اللى رخصت اوى كده
ولا ايه ؟

هل تستحق الانتحار !!!!!!

مش عارف ممكن حد يموت نفسه علشان حاسس انه عاش كتير ؟
او ممكن علشان زهق من مشاكل الدنيا ؟
او حتى ممكن لنه قابلته مشكلة مش لاقيلها حل ؟
ممكن ينتحر علشان يحلها ؟؟؟؟؟؟؟؟؟؟؟؟؟


امبارح
فى البيت اللى قصادنا
واحدة ست تبلغ من العمر 75 عاما
فى منتهى العقل والحكمة

انتحرت قدام عينينا
ومش عرفنا نعملها حاجة

ساكنة فى الدور الرابع
اتغدت مع بنتها
وبعتتها تجيبلها حاجة من الصيدلية
وبمجرد ما بنتها نزلت من الشقة
قفلت الباب بالقفل
وجابت كرسى
وحطت عليه 3 مخدات
وجابت سكينة
وقطعت الحبال بتاعة المنشر
وطلعت فوق المخدات وقفت على السور وندت على بنتها
وقالتلها انا زهقت
واحنا واقفين فى الشارع
شوية طلعوا يكسروا الباب
واحنا بنحاول نمسكها لما تنزل
بس للأسف
نطت من فوق على المنشر بتاع التالت
الحبال نطرتها لفوق
ونزلت محدش عرف ينقذها
ماتت
بس المنظر بشع
بجد عمرى ماكنت اتصور انى ممكن اتحط فى موقف زى ده


بس ممكن حد يعمل كده فى نفسه
خصوصا انها فى العد التنازلى لعمرها

يعنى لو صبر القاتل على المقتول كان مات لوحده .......!!!!!!!!!!!!!!!

ازواج ازواج

كنت بسمع برنامج ( ابيض واسود ) على الفضائية المصرية
برنامج بيقدمه الفنان مصطفى فهمى والاعلامية مها مراد
بيجيبوا اتنين متجوزين بينهم مشاكل
ومصطفى فهمى بياخد صف ادم ويدافع عن وجهة نظره وبيتبناها تماما
وبالمثل لمها مراد بتاخد صف حواء

المهم

جابوا اتنين بينهم مشاكل وقضايا واشياء من هذا القبيل
وبعدين قعدوا معاهم يعرفوا سبب ده كله

الزوجة بدأت بالكلام
وأول كلمة قالتها الراجل ده ( كلشوح )

بالكشف عن الكلمة دى فى الزمخشرى
اتضح انها تعنى الراجل سورى فى الكلمة ( الخرنج )
اللى معناها .......................

المهم
قالت انه بيسرقها ومش عارف ايه
وبيتهمها انها ( بتسمسر ) على حد تعبيرها من مصروف البيت
على الرغم من انها شايفة انها مش بتعمل كده خالص
هى ( بتدبق ) من مصروف البيت علشان لما يحتاج الفلوس يلاقيها



فردهو قال لأ
هى كانت بتاخد الفلوس وتشترى بيها هدايا وحاجات لأهلها
وهو ظبطها كذا مرة بالحاجات دى

ردت هى قالت لأ
طالما بيتك مش ناقصه حاجة يبقى ملكش الحق انك تحاسبنى

وخرجوا من الحلقة بشتايم وبهدلة


خرجوا من الاستوديو

واستضافوا محرر بجريدة الاهرام
للتعليق على ما سمع

المهم انه بدون ذكر اسماء
كان ابعد ما يكون عن الرجولة
شكلا ومضمونا


بموجب تعليقه
شرح معنى كلمة كلشوح
واستطردكلامه معلقا على ما حدث بأن الزوجة مذنبة

وفوسط الكلام
سألته مها مراد سؤال :
هل من حق الزوجة تعرف مرتب جوزها ولا لأ؟

رد بأجابة غريبة من وجهة نظرى
قالها : لو هى المتصرفة فى كل حاجة يبقى من حقها تعرف
بمعنى انها لو هى اللى ماسكة مصروف البيت وبتدبر امور البيت الخارجية
مع ملاحظة انها غير عاملة
يبقى من حقها تعرف

انما لو هو اللى ماسك مصروف البيت
وهو المتصرف الااول والاخير
يبقى مش من حقها تعرف اى حاجة
طالما انه هو مش مخلى بيته نقص حاجة


انان مش معاه فى الرأى ده
لأن الزوج اختار الست دى علشان تبقى شريكة حياته
وأم ولاده
وكل حياته


لو هى اللى مش عرفت عنه كل حاجة يبقى مين اللى هيعرف

انا شايف انه لازميبقى فى جسور من الثقة المتبادلة بين الزوجين علشان الحياة تكمل بسعادة
وهو ده اللى كان غايب عن لاسرة اللى هما استضافوها
ونشبت المشاكل والقضايا والمحاكم وما الى ذلك


مش نعمل زى الحرب
كل واحد بيجهز الخطة الاستراتيجية بتعته علشان يهجم على التانى فى الوقت المناسب


بصراحة التشبيه اللى جه فى بالى وقتها لما شفت الزوجين دول
بأنهم مصارعين
فى حلبة المصارعة مش فى البيت
وعجبى

عايش حياته فى كيس

ناس كتير حوالينا وقدامنا
عايشين معانا بس مش عايشين
موجودين بأجسادهم فقط
ميعرفوش فى الدنيا الا حاجة واحدة
اتجاه واحد حياته منصبة عليه
الاب عايش حياته علشان بس يجيب فلوس
الام عايشة الكوافير والنادى
ولو الحال على الأد
تبقى عايشة للمطبخ والغسيل
مبقاش للدنيا معنى
فين الاب اللى كان بيجمع ولاده على العشا
علشان كل واحد يحكى يومه
فين الام اللى مكانتش بتنام الا لما تاخد عيالها فى حضنها
ومتنامش الا لما تقفل الباب عليهم
كل واحد ليه دور فى الدنيا دى
من غيره التوازن هيختل
لكن ربنا مخلقكش علشان تروح الشغل
وتيجى تنام
علشان تقوم تروح الشغل
أنا شايف ان الانسان لازم بجانب دوره اللى ربنا خلقه علشانه
لازم يكون له دور فى التأثير فى المتغيرات اللى بتحصل حواليه
وان لم يكن
فأضعف الايمان ابداء الرأى
90% من طلاب الطب والهندسة والقمة العلمية
ميعرفوش صديق غير الكتاب
بما انى طالب طب وعايش وسط الناس دى
ممكن تكون ممتاز علميا
لكن
فاشل اجتماعيا
ضعيف أسريا
صاحب شخصية فاضية بمعنى أخص
طب تعالوا كده
نتخيل ان الشخص ده
حصلتله حاجة منعته عن أنه يؤدى دوره
حياته هتبقى عاملة ازاى
اكتئاب ..... نكد ..... يأس
انسان بلا هوية
واللى ممكن بدوره بعد كده يؤدى للانتحار
نفس الموقف بالظبط
لو قولنا لطالب طب
خلص وخد الشهادة وبأمتياز
بس مش هنشغلك دكتور
هيعمل ايه ؟ وايه هيكون رد فعله ؟
بصراحة
التعبير اللى أطلقه عليا عنان خيالى لما بدأت افكر فى الموضوع ده
ان الناس دى عايشة فى كيس
منعزلين عن العالم
ميعرفوش ايه اللى حصل النهارده ؟
ميعرفوش ايه اللى ممكن يحصل بكرة !
ياريت حتى لو كنت عايش فى الكيس ده دلوقتى
تلحق نفسك وتطلع منه
على الاقل هتشوف الدنيا يوم فى حياتك بلونها الطبيعى
مش بلون الكيس .................................

همسة

أحبك يا من ترى فى السماء بعد المطر
يا من تغردين بين غصون الشجر
يا من تجالسين نجم السهر
يا من إختارك قلبى من بين كل البشر
يا من زحزحتى دمغ السحاب حتى إنهمر
يا من تفوح منك رائحة المطر


أذكرك أمام البحر و بين النُهُر
ما بعدت يومًاعنكى لولا القدر
فبعدك يسيل لقلبى شلال الصور
وصوتك يزلزل قلبى كصوت الوتر
فيحركه من مكانه لولا النمر
لتفلقت جبناته ثم انقشر
أحببتك
وأحبك
وسأظل على حبك طول العمر

عودى

يوم غبت عنك ما كنت لقلبك مفارقًا
يوم تعلمت فيه معنى وفائك
ولصوت شوقك صرت سامعًا
ما صدقت عيناى حين
رأيت الدمع فى عينيك ساكنًا
تبكين على بعدى...سامحينى
حبيبتى لم يكن بيدى
فما قصدت أن أكون لقلبك معذبًا
وعرفت كيف تحبيننى وقدرت لقلبك حبه
وصرت من نفسى غاضبًا
وحمدت ربى الذى رزقنى
حلم سنينى عشت له مكاتبًا
ويوم غبتى عنى وجدت وجهى شاحبًا
رأيت القمر غائبًا
فعرفت أن ذلك جزاء ما صار منى
وما كنت بفؤادك لاعبًا
أحببتك حقًا
فلا تتركينى وحيدًا
وإجعلى قلبك لقلبى سندًا عاشقًا

شكوى قلب

يا وجهًا يشع ضياء
أتمنى أراكِ...أحدثك...ألمس يديك
فرؤياكِ ستوقف قلبى عن البكاء
تحملت فى سبيل حبك كل المشقة والعناء
وتخليت لأجل قلبك عن كل الأشياء
تعلقت بعينيك...بنظريك...بقلبك تعلق الحياء
تعرفين حبى وشوقى فلما البعد؟
ففى بعدك يتمزق قلبى إلى أشلاء
وفى مرضه بذكر إسمك...
بتذكر صورتك...يمن الله عليه بالشفاء
فصورتك أمامى فى كل مكان و فى جميع الأجواء
فتخيلى رؤياك ستعيده للغناء
وستجعله يحلق فى السماء...سماء حبك
فالوفاء والنقاء معانى علمتنى إياها من أول لقاء
آه منك يا حواء!!!

رسالة

رسائلك التى عندى

وديعة حبنا الوردى

فقد بدأ حبك

لقلبى موسم النشد

كان قبل رؤياك ضالا

والان عدت لرشدى

اغيب عن الدنيا

بنسيمك وعبير حبك الوردى

فأنت لحياتى واسطة العقد

حياتك بحياتهم

وترفعها يقوى الوعد

تاكدت من حبك

وبأنك لم تتأخرى فى الرد

فلن تعشقى من بعدى

كفانا الله شر البعد

وادام بيننا الحب والود ..........

حب مدى الحياة

حبيبتى.....
يا نهرًَا من الحب الوردى الذى يجرى فى شراينى
يا من إختارك قلبى وإصطفاك لحياته
من بين نساء السماوات والأراضين
حمدًَََا لله على أن إسمك هو
الذى كتب على جبينى
حينما أبعد عنك يفت فى قلبى الحنين
ولا ينقطع دعائى بأن يستمر حبنا على مر السنين
فحبنا حبيبتى يفوق أقلام التدوين والمدونين
ودعى من يقول ويتكلم فؤلئك هم الحاقدين
وكفانا الله شر الحقد وحسد الحاسدين
وأبعد عنا أعين الحسدة الملاعين

أمل

عندما تركتك بالامس

اطلقت ظهرى للمتكا

وتذكرت وحدتى

وصار لقلبى ما شكا

ثم ذكرت من هم بالدهر فرقا

فأشفقت على قلبى

من كثرة منك ما لقى

فأصر قلبى على هواك

حتى سلم قلبك فأهتدى

فتبدلت جوانب حياتى

وسعدت بالملتقى

فقد حسبت باب قلبك

منال صعب المرتقى ……………

لك الله يا غزة

مدينة بناها العرب من سالف العصر الأزيل
وردة تفتحت على ملتقى أديان الجليل
قلب ظل على عزته ربما الإالقليل
ما الذى صار فجأة من غزة إلى الخليل؟
ما الذى حل بك يا نصر الزمن الجميل؟
أرى عينيك يا غزة...أراها تأبى الرحيل
لك الله يا غزة
عرب بأسمائنا فدم العروبة صارلهم غريبًا...يسألونك أن تتركى
عرب تخلوا عن دينهم تخلوا عن مساجدهم تركوها تشكى
يريدونك بيد شهدائك أن تمسكى
وباليد الآخرى من كأس الخمر تستقى
عار على غزة أن تسميهم عربًا فدورك أن تنتقى
يجتمعون على طاولة الحوار قبل أن تتحاور عقولهم نفاقهم يلتقى
لك الله يا غزة
مالى أرى اليتامى بالطرقات على رؤوس الدمار؟
مالى أرى الأطفال أشلاء ليس لهم حق الإختيار؟
أمهات تطاردهن دموع الراحلين بين العويل والأنهيار
رجال لم يعد شئ بأيديهم فالموت لم يترك لهم خيار
أرض تنعى أهلها تشيعهم بعدما إختنق النهار
طيور تقصقص ريشها فاعتزلت التغريد
وإعتصمت بأعشاشها لتكمل صمت الأشجار
انغام هجرت عاشقيها لالات دون اوتار
حضارة وتاريخ بين ليلة وضحاها ما بدا منهما الإ الغبار
أحمق من سولت له نفسه...وأحسسته بلذة النار
أحمق من مد يده ليصافح شبح الدمار
على من ستبكى قل لى ... على الرجال ... على النساء ... أم الديار؟
أم على الأطفال والأرض ... لمن سيكون الإعتذار؟
لك الله يا غزة ... قلوب رجالك ودعاء شيوخك يكفوا للأنتصار
فقد وعدنا المولى مهما طال الانتظار

رياض الحب

وكأننى فتحت عليك عيناى
وكأن إسمك أول ما نطق لسانى
فلحظات لقاءنا تعجز عن وصفها الأقلام
تعجز عن مثابرتها العقول...عن رؤيتها العيون
ففى عينيك الجميلتين دعوة إلى الحب
وفى صوتك الحالم موسيقى تهز أوتار القلوب
وتشيع فى الجسم
وتثير فى النفس الحية أسعد الأحلام
وشبابك هذا الشباب الغص الناعم
الذى إذا دل فإنما يدل على أنه يرق حتى
يسيل من عينيك نظرات ساحرة
و يستحيل إلى فكرة
تطير كالفراشة بين أزهار الجمال
فى روضة من رياض الحب
أو نسمة معطرة تهب من شاطى بحيرة جميلة هادئة

انسان بلا انسان

نظرت لمراتى مبتسما...فرايت وجها عبوسا تحبس ابواب عينيه الدموع
انسانا اخر...تصدر عينيه شعاعا...ترى به لمعته الفضية وكأنها سيف يمتد الى صدرى...يفتح قلبى
ليطلع على الروح وتومئ حينئذٍ بما أخفته من جروح
رأيت إنسانًا ضغطت على أنفاسه الحياة...ضافت
بعينيه...وعندما حلق بحثًا عن ملجأ لأحلامه لجروحه...
لم يجد مكانًا يتسع له سوى قلبًا يستتر خلف قضبانه...
إنسانًا عندما أحب ...إحتل الحب قلبه ووجدانه...أحب حبًا
وصل للجنون...حلق بأحلامه حتى وصل إلى القمر...
ليهوى من قمة تلال وهمه فى دوامة الحياة...
كان يتلهف لرؤيته...حمل له الزهور...ذهب للقائه...
فلم يتذكره...ليفارقه من أحب ويذهب محتفظًا بقلبه...
لم يعد...ولن يعود...
إنسانًا عندما إنتثر الدمع على خديه...لم يجد من يمسحه
حتى حفرت دموعه بوجهه نهرًا من الجروح...
إنسانًا زرع الزهور فى كل مكان...لتجرحه أسواكها
ويخونه إحساسه...عندما كان فى أشد الحاجة لوفائه...فارقته
ذكرياته ليعيش إنسانًا بلا حب...إنسانًا بلا قلب ...إنسانًا بلا إنسان...
هكذا رأيت

وحشتينى

لحظة وداعك تبدلت كل عناوينى
لحظة ذبلت فيها كل بساتينى
ولكن ما صبرنى عليها إلا نظرة الحب فى عينيكِ
وإبتسامتك حينئذٍ تلاقينى
فتحملت يومًا ما نظرت لأى وجه
حتى تظل إبتسامتك آخر ما رأت عيونى
بعدها إنهار قلبى وبدأت ببعدك تعذبينى
فما كان لقلبى بدًا من سماع صوتك
الذى فيه بحبك تشعرينى
نغمات تقع على مسامعى فتهدينى
أسبوع دقائقه طعنات تشق فى تكاوينى
ظللت أنتظر اللحظة التى فيها
تعودى وتجالسينى
اللحظة التى فيها بذراعيك تطوقينى
اللحظة التى عندها بين أحضانك تضمينى
وليحبك من يحبك فأنك بحبك لى التى تعنينى
فبحبك حبيبتى على الدنيا تعنينى
ونظرتى إليك عن الدنيا تغنينى
فأنا ملك لك وبين يديك يريدينى
أنت جزء منى وحبك يجرى فى شرايينى
إرحمى قلبى ...عودى...لا تتركينى
أقولها لكِ من قلبى بجد وحشتينى

فارس اللثام

أتانا الموت بأنيابه...طارقا ًباب بسمتنا
بلا إستئذان...بلاوعد...إستل روح حبيبتنا
رأيته...بلا رحمة...وفى خلسة
يتقدم باب غرفتها...حتى إذا بلغ الباب نظر إلى...
ثم اسقط لثامه...وبخفة أمحى بسمتها
حينها أحسست بروحى قبضة
وتوقفت عيناى على باب غرفتها...انتظر...
اترقب
حتى انفتح الباب...ببطء...خرج والدم خط فى يدها
فقال الطب قد رحلت...وما من أمل لعودتها
فما بقيت الإذكرى وشريطة سوداء تحتضن صورتها
وآتى الطيب لرؤيتها...ووضع يده على كتفى
ووقف يستمع لرثائى ...فكان رثائى كالسيف
هى الدنيا فما دامت وما ظلت على حرف
وسبحان الذى يبقى و يفنى الكل بالحتف
فنامى أنت راضية...بلا جرح ...بلا خوف
كفى اغترابًا فى دنيا ثوبها النفاق واملها زيف
فما من دمع سيرجعها...ومامن حزن لنا يشفى!
جمعت حزنى بكلمات لعلها توقف النزف
زهيرة العطف معذرة فكل الشعر لن يكفى

ذكريات

حينما تقابلنا أحسست بأننا مفترقان
أحسست بروح الفراق تطوف حولى
تطاردنى لعناتها كلما تقابلنا
وتطارد مسامعى لعنات ضحكاتها كلما إبتعدتى عنى
كانت عيناك مصدر القوة لروحى التى بها أتغلب على شعورى
حتى قررتى البعد.....
حينها سمعت صوت دقات الوداع تطرق باب قلبى حتى علا صوتها صوت دقاته
فما كان لروحى بدًا إلا أن تستسلم...
ولا لقلبلا إلا أن يستجيب ويفتح بابه...
ليقضى الله أمرًا كان مفعولاً...
فيتقدم الفرح مودعًا بابه مقدمًا كفنه إلى حزنى
ليسلمه مفتاح باب قلبى
فيزف إليه التعاسة بلا فراق...
تألمت كثيرًا ...وتعذبت كثيرًا
ولطالما تألمت سمعت صوتًا ينادينى...يحدثنى
فيقول لا تلومن إلا نفسك
كيف تسمح لغير يديك أن تمتد لتفتح باب قلبك بلا إستئذان؟؟؟
فقلت كنت بحاجة إلى حب ينير طريقى ويطرد الوحدة من حياتى
فقال ومن يحتاج ةإلى الحب يعانى نقدر حاجته
قلت ولكننى عانيت كثيرًا
قال وأيضًا إصتحبته كثيرًا
قلت وما ذنب قلب أراد أن يحيا سعيدًا؟؟؟
قال وهل السعادة دون ثمن تشترى؟؟؟
قلت وما دفعه أولم يكفى؟؟؟
فقال أما عن سؤالك فليس بيدى مفتاح الإجابة
فلتسأل قلبك إذن...
سألته؟؟؟
فأجاب فى صمت رهيب...
جريحًا...أتألم...أولم يكفى؟؟؟
فما وجدت من رد...
فرد قلبى حزينا
أفكان من السهل عليك أن تظلمنى...أن تجرحنى...أن أهون عليك؟؟؟
لا تحمل همى فقد تعودت على الفراق وصارت كلمة الوداع هى سبب وجودى
بكت عيناى...
قلت وما أبكاكى؟؟؟
فردت لحب عشقتلأجله وله كنت أسرد الحكايات
وفجأة تغيب شمسه...تسدل ستاره...ويبتعد عنى مسافات
حتى جئتى تطلبين السماح...
ليس بيدى السماح
أطلبيه من قلبى ...من روحى ...من عقلى...من عيناى
فردت أجطأت
فقلت وما من أسف يداوى جروحى
ردت ولكنى أخطأت
قلت فلا تحاسبينى على ذنبك أنت
فقالت كنت بين القلوب حائرة
واهتديت لحبى...أحبك
حينما قالها
تحرك قلبى نحوها...وقبل أن أجيب سبقنى عقلى...أولم تتذوق عذابها؟؟؟
قلت بلى
قال أولم تتألم لفراقها؟؟؟
قلت وهاهى قد جاءت
قال أنيت ثمن السعادة؟؟؟
قلت وجاء وقتها من حقى أن أعيشها
فقال سأتركك لإحساسك فإن إستطعت ذهابا فلا تحمل ألمك بين جناحك
فاستحضرت حياتى بعدها
عينا باكية...روحًا شاكية...قلبا متألما...عقلا لائما
فما إستطعت منهما قربا ولكن فراقا تعودت عليه فقلت
قد غخترتى البداية...ومن حقى أن اكتب كلمة النهاية
لأسدل ستار خيانتك...وأنهى بيدى الرواية

اليك قلبى

سمعت كثيرا عن عذاب الحب فقلت ما أنا بمجنون
وقررت ألا أحب حتى لا يعتل قلبى مرضه الملعون
حتى قابلت سيدة الحسن اميرة الكون
فوقعت فى حبها وامنت بسحر العيون
فما وجدت الحب عذابا ... بل وجدت الحب جنون
صرخ عقلى وسالنى من تكون ؟؟؟؟؟
فأجاب قلبى انها التى اذا احببتها
أسرتك عيناها على طول السنون
أرسلتك لتتنسم عليل الهواء ...........
وتستقى من احلى انهار الكون
وعايشتك حياة للابد على أمل
ألا تلتقى الجفون
حتى تستقى من عينيها عسلا ...
يصف قلبا ليس له لون
قلبا اذا عشق لم تشاركه الظنون
قلبا كتبت له ريادة القلب الحنون
فأشفقت على قلبى يهفو لهواها فى جميع الحيون
وأوصيتها بألا تجعل بيننا مكانا لفراق على مر القرون
احياءا ... امواتا ... او اينما نكون
فوعدتنى ولبت ندائى وامتلا قلبى بالشجون
وسألت الله على ان يقدرنى على اسعاد اميرتى
اميرة الفتون .................
تلك هى حبيبتى .... فهل عرفت من تكون ؟؟؟؟؟

هكذا أنا

والحزن يطرق باب عينيها...أتتنى تتأنى بخطواتها
وقبل أن تحدثنى...إستشعرت رائحة الخوف بحديثها
وأقبلت على بروح باردة لم يعد بها دف أنفاسها
أقبلت وجلست بجانبى ثم امسكت بيدى
نظرت إليها فتبسمت وأحنت رأسها
تفقدت وجهها فزالت بسمتها وتاهت عيناها
ثم سقطت فرفعت بينم ذراعيها رأسها
ونظرت إليها وسقطت دموعى على خدها
فتبسمت ثانية وإنحدرت لتلاقى دمعتى دموعها
فمسحتها وأحسست برودة ما أن لمست وجهها
استشعرت قرب نهايتها...فضممتها إلى صدرى
فسمعت صوت دقات قلبى فهمهمت بصوت خافت
لم أخن عهدنا...لم أختر فراقنا...أحببتك ولكن
هذا قدرنا...
حينئذٍ إلتقا جفنا عينيها مقسمين على ألا يفترقا بعدها
حينها احسست بمرار فراقها وذقت طعم العذاب
ببعدها
فحملتها بيدى وإلى متوى الراحة بلا ألم...شيعتها
ثم وقفت أناجى روح حبيبتى...
فى كل مكان جمعنا معًا...
فى كل ذكرى صنعناها معًا...
كل الفصول أصبحت خريفًا...
ليلاً بلا حياة...
حياة بلا نور...
حياة بلا حياة ...
تبدلت الأحوال حولى...
تبدلت حياتى كلها ذبلت أوراق الشجر...
ضعف عودها...
وتهاوت لتترك أغصانها...
تتأرجح مع نسيم الرياح
بلا راحة...
بلا حب...
بلا أمان بعدها...
هكذا أنا

شاطىء الذكريات

طال الغياب أيامًا وليال حتى عذب نفسى الفراق
لم أستطع بعدها تحملاً ولصوت حنانك صرت مشتاق
أتذكر أيامنا معًا أذهب لنفس المكان أجلس أمام الشاطئ
وأرى إبتسامتك ترسلها النجوم فى السماء
أستمع لنفس الأغنية التى إجتمع قلبينا عليها وأغمض عينيا...
فأرانا جالسين معًا يديك بيدى تعطينى القوة
ونظرة عينيك ترينى جنة...جنة حب حلمت بها...تمنيتها فعشت فيها
بين رقة أنفاسك بين دف أحضانك وأسلمت لك قلبى آمنت بحبك وما أن إستشعرت برودة بقلبى
حتى أيقنت بتخلى أحضانك عنه وجدت نفسى وحيدًا ...تائهًا فى نار البعد
أبحث عنك...وكأن حبك سبب بقائى
أنادى عليك...فلا أسمع الإصوتى
ما صدقت ما صار بقلبى وأهمت نفسى برجوعك
وكأننى فى كابوس أنتظر أن تلمس أطراف أناملك
وجهى لتوقظينى...إنتظرتك طويلاً...
وحاولت نسيانك...حاولت كثيرًا
ولكن ذكرياتى كان لها صوت أعلى من محاولات نسيانى
كنت عندما أجلس وحيدًا...
عندما أشتاق للمسة يديكى...
لضمة أحضانك...
لنظرة عينيك...
أتحدث إليك...
وكأنك آمامى أراك جالسة بجوارى...
أستشعر صوت أنفاسكوأحس به...
حاولت التغلب على أوهامى ولكنك تعيشين بوجدانى
أتذكرك دائمًا...
كلما رأيت عاشقين مجتمعين على قلب واحد...
تتشابك أصابعهما تحت لةاء الحب وكأنهما خلقا معًا أتذكرك وأتمنى لو أراك
عندما أرى الموج يأبى أن يفترق عشاقة
فتأتى الموجة إلى شاطئى وتأبى أن تعود
إلا إذا لحقت بها خليلتها...أتذكرك
عندما أرى عصفورين يشدوان بلحنيهما
فتتشابك ألحان أصواتهما معًا لتنسج لهما رباطًا لا يقطعه إلا الموت...فلأتمنى لوأن لى جناحًا
أصل به إلى محراب حب هذين العصفورين حتى أرى
حبًا يهوى عليا جروحى...أتذكرك
لم أتصور يومًا أن يخوننى إحساسى
كيف أحببتك وكيفرآك قلبى قبل عيناى؟
كيف صدقتك؟
وكيف إرتاح قلبى لهواكِ؟
كيف سلمت إحساسى؟
وكيف استضفتك بقلبى؟
عندئذٍ فتحت عيناى...نظرت بجانبى...فما وجدتك بجوارى
وما أستطعت السيطرة على دموعى وكأننى مسحتها
ونظرت إلى النجوم حتى آلاقى عيناك
مبتسمًا...