Iam proud to be one of them

ثورة 25 يناير 2011 - الحلقة الثانية عشر ( هؤلاء اساءوا الينا )

من المؤسف .. ومن المخزى ان نجد من هم فى مكان القدوة ... يسيئون لشباب مصر المبجل ... صاحب الفضل بعد الله فيما سيعيشون فيه هؤلاء من حرية وتغيير وديموقراطية

اساءوا لنا ... استهزءوا بمطالبنا ... ولم يقدرون مشاعرنا

هؤلاء هم قائمة العار على مرأى ومسمع من اعين وناظرى كل مصرى على التليفزيون المصرى ارضى وفضائى :

اولا : المسئولون

1 - وزير الاعلام انس الفقى بصفته رائد الاعلام المصرى المتهاوى

2 - كل من هو مسئول بالحزن الوطنى المنهار

ثانيا : القنوات

1 - قنوات بانوراما ( دراما وافلام )

2 - قناة المحور

3 - قناة الفراعين

4 - قنوات مودرن كورة وسبورت

5 - التليفزيون المصرى

ثالثا : الاعلاميين

1 - حسن راتب صاحب قناة المحور

2 - سيد على مقدم برنامج 48 ساعة

3 - هناء السمرى مقدمة برنامج 48 ساعة

4 - مى الشربينى بعد طول غياب تستقل شاشة قناة المحور لمهاجمة شباب الثورة

5 - خالد الغندور

6 - مدحت شلبى

7 - احمد شوبير

8 - ماجدة صباحى

9 - توفيق عكاشة

رابعا : الفنانين

1 - يسرا

2 - طلعت زكريا

3 - ماجدة زكى

4 - خالد زكى

5 - روجينا

6 - غادة عبد الرازق

7 - حكيم

8 - مى كساب

9 - هالة صدقى

10 - نادية الجندى

11 - محمد فؤاد

12 - الهام شاهين

13 - نهال عنبر

14 - احمد بدير

15 - تامر حسنى

16 - سماح انور

17 - حسن يوسف

18 - زينة

19 - عمرو مصطفى

20 - ايهاب توفيق

21 - عفاف شعيب

22 - وفاء عامر

خامسا : الرياضيين

1 - الجهاز الفنى للمنتخب الوطنى بالكامل

2 - ميدو

3 - حسام وابراهيم حسن

4 - هانى رمزى

سادسا : الشخصيات العامة

1 - مرتضى منصور

2 - محمد ابو العينين

سابعا : كتاب وصحفيين

1 - مجدى الدقاق

2 - عبد الله كمال

3 - كرم جبر

4 - اسامة سرايا

كل هؤلاء اساءوا للثورة .. وهاجموا شباب الثورة

ننتظر رد الفعل بعد نجاح ثورتنا ... ننتظر موقفهم

مصر لنا ... اننا مصر

ثورة 25 يناير 2011 - الحلقة الحادية عشر ( نتائج الثورة - الجزء الثانى )

كان فى جزء اول لنتائج الثورة ضم حوالى 24 نتيجة ايجابية

والنهارده وبعد التنحى ... بقت ثورتنا اكثر ايجابية

من خلال تحليلى للموقف ومن رأيي الشخصى ما سأعرضه يعتبر نتائج ايجابية لثورتنا المجيدة :

25 - تنحى الرئيس مبارك ... وسقوط النظام السابق

26 - زيادة مساحة الحرية للتعبير عن الرأى

27 - حل مجلسى الشعب والشورى

28 - محاسبة عدد كبير من المسءولين والشخصيات العامة المتورطين فى تهم تخص الاستيلاء والتعدى على المال العام

29 - حل الوزارة السابقة ... وزارة النظام المخلوع

30 - الغاء قانون الطوارىء

31 - زيادة الثقة بين الجيش و أفراد الشعب المصرى

32 - ظهور فرص عمل بالمصالح الحوكمية والوزارات

33 - مصادرة اموال بعض المسئولين السابقين وعودتها لخزائن الدولة

34 - وقف العمل بالدستور القديم لحين وضع دستور جديد او تعديله

35 - انتعاش الاوضاع الاقتصادية

36 - حكم الجيش لمدة 6 شهور او حتى اجراء انتخابات

37 - اتساع الفجوة بين الشعب وافراد جهاز الشرطة

38 - اتساع رقعة الوعى ومطالبة المئات من العمال بحقوقهم فى كثير من المؤسسات المدنية

39 - احساس المصريين جميعا بأسترجاعهم واستردادهم لحريتهم وكرامتهم

40 - التخلص من جميع رموز فساد النظام المخلوع

41 - ضرب الشباب المصرى اروع الامثال فى المثابرة والتضحية والاخلاص و أفخر انى واحد منهم

42 - الشروع فى الافراج عن المعتقلين السياسيين ومعتقلين الرأى

43 - الاتجاه الى تصحيح هيكل الاجور

44 - عودة القدوة الى الشعب المصرى

45 - اتجاه انظار العالم الى الشباب المصرى والفخر بما حققناه كشباب من تغيير وكتابة لمنعطف جديد فى تاريخ الامة

باراك أوباما : يـجب أن نربي أبـناءنا ليصبحوا كشباب مصر

رئيس وزاراء ايطاليا : لا جديد في مصر فقد صنع المصريون التاريخ كالعاده

ستولتنبرج رئيس وزراء النرويج : اليوم كلنا مصريين

...هاينز فيشر رئيس النمسا : شعب مصر أعظم شعوب الأرض و يستحق جائزة نوبل للسلام

CNN : لأول مرة نرى شعبا يقوم بثورة ثم ينظف الشوارع بعدها

برشلونة : سلام منا لشهداء مصر الاحرار

اتوقع ان نتايج ثورتنا المجيدة ستكون فى تزايد مستمر فى خلال الفترة القليلة المقبلة

عاشت مصر حرة مستقلة

ثورة 25 يناير 2011 - الحلقة العاشرة ( الله أكبر )

فى لحظة لم أعش مثلها قط ... وتحت ستار المطر ... بميدان التحرير ... هزت فرحة مدوية خلايا جسدى ... وتنافست عيناى مع السماء فى دموعها

حين سمعنا خطاب اللواء عمر سليمان معلنا .. تنحى الرئيس مبارك الرئيس السابق لجمهورية مصر العربية وقراره بالتخلى عن المنصب الرئاسى ... أحسست بأن كرامة المصريين قد استردت

أحسست وكأن شهداء ثورتنا الابرار يقفون فى سماء التحرير يرقصون من الفرح ... يحيطون بنا .. فظللت انظر للسماء حتى رأيتهم رؤى العين ... احسست بأن وقفتى فى ميدان التحرير ردت جزءا من الدين المعلق برقابنا جميعا كمصريين لهؤلاء الابرار

الحمد لله .. انجلى عصر الظلم والطغيان ... لم تكن المشكلة مع شخص مبارك ... ولكنه كان رمز النظام ... فبسقوط مبارك ... يسقط النظام ... ومن ثم يسقط الدستور ... وبهذا تكون قد استجابت نصف مطالبنا على الاقل

ولكننا ايضا لن ننسى لهذا الرجل ما مررنا به معه ... ولن يغفر التاريخ اخطاء مبارك التى اودت به الى الهاوية

نحن الان فى حل من سرد 30 عاما من الاخفاقات والانجازات ايضا

فهذه كلمات فرح وسعادة والاحساس بنشوى الانتصار

لا نريد ان ينسينا الفرح مطالبنا ... لم يحقق اى مطلب الى الان غير الرحيل

اصمدوا ... افخر اننى مصرى ... افخر اننى شاب من شباب هذه الامة ... اثبتنا اننا لسنا جهلاء ... لسنا مطاطيين ... نحن شباب مثقف .. واعى ... غيور على وطنه

من لم تطأ قدمه ميدان التحرير ... ليشارك فى تغيير وصنع المنعطف الجديد فى تاريخ مصر ... خسر كثيرا

فى النهاية ... أقدم شكرا لمبارك على استجابته للمطلب الرئيسى لنا بالتنحى والتخلى عن الحكم بعد 30 عاما من الاحتكار

لنبدأ عهدا جديدا من الحرية والديمقراطية

لمبارك الحاكم ... غفر الله لك

لمبارك السياسى ... شكرا لك

لمبارك الانسان ... شفاك الله وعافاك

من النهاردة دي بلدك انت، تاريخك انت، وطنك انت، ماترميش زبالة، ماتكسرش إشارة، ماتدفعش رشوة، ماتزورش ورقة، اخلص في شغلك، بإيدنا نقدر نبني بلدنا، كلنا إيد واحدة، المصريين كلهم إيد واحدة

التحرير مبقاش كلمة ... او ميدان
التحرير اصبح رمز للأرادة الشعبية كلها ... اصبح اسم على مسمى ... اصبح فعل لشباب مصر ...

افتخر انى واحد منهم
...افخر بنفسك ..... انت مصرى ♥♥♥

ثورة 25 يناير 2011 - الحلقة التاسعة ( خطاب الوداع )

فى خطاب فخرى أكثر منه فى كونه خطوة للأستجابة لمطالب الشعب

ارسل الرئيس بكلمات لا محل لها من الاعراب

نعرف جيدا من هو مبارك ... ونعرف جيدا كم مرة واجه الموت من أجل اعزاز الشعب المصرى ... لن نستطيع انكار ذلك ... فالتاريخ لن يستطيع احد ان يغيره

ولكن ما حدث فى مصر هذه الفترة ما هو الا رد فعل على تحول موقف الرئيس من الحرص على كرامة وعزة الشعب المصرى الى الحرص على المصالح الشخصية وتوزيع التركة الرئاسية ومحاولة تغيير دفة البلاد لقصر العروبة

اعتقد ان الخطاب خطوة على طريق الرحيل

لأن ما ورد على لسان الرئيس من وعود بملاحقة مرتكبى احداث 25 يناير والتعامل بحزم مع من كان السبب فى استشهاد العديد لم يكن مطلبا لنا ... لأنه الواجب اللازم تأديته من قبل النظام ورئيس الجمهورية

أعتقد ان الخطاب لم يحمل اى رسالة لنا كثوار ... وانه بمثابة فرصة لأضاعة بعض الوقت .. تجهيزا للرحيل والذى اتوقع حدوثه فى غضون ايام

10 / 2 / 2011

ثورة 25 يناير 2011 ... الحلقة الثامنة ( وما النصر الا من عند الله )

اعتقد اننا خلاص ايام و هيتنفذ مطلبنا الاخير والاوحد فى الفترة الحالية على الاطلاق

تواردت انباء عن احتمالية رحيل مبارك الى المانيا فى رحلة علاج طويلة ... بس اللى مش بيشوف من الغربال يبقى اعمى ...

هى مش رحلة علاج بالمقام الاول ... هى الرحيل بلا عودة ... بعد سفر كل من يمت بصلة للرئيس الى لندن ... مع وجود ثروته المقدرة ب 70 مليار دولار خارج البلد ... كده مش باقى غير الراجل بطوله

علشان يوم ما الدنيا تولع ... ويفلت من ايده الزمام ... ساعتين بس ... وهيبقى جنب حبايبه

رأيى الشحصى ان التصرف ده هيكون بمثابة التسليم الخفى للسلطة .. لعمر سليمان للتصرف والقيام بمهام رئيس الجمهورية ... الى ان تجرى الانتخابات لاختيار حاكم للفترة الرئاسية الجديدة ... وبذلك يكون قد تحقق مطلبنا بالرحيل

كبرياء مبارك ... كرجل عسكرى ... يرفض الاستسلام ... يمنعه من التنحى المباشر عن الحكم ... فالحياة العسكرية علمته عدم الاستسلام ... ولكنه كسياسى محنك ... وجد الطريقة التى يتنحى بها ... دون ان يكتب التاريخ تنحيه حرفيا

ايا كانت نيته ... عدم وجوده على رأس السلطة ... مطلبنا جميعا ... ولكن ليس مطلوبا من المتظاهرين والثوار الاحرار التراجع حتى نرى ما ستسفر عنه الايام القادمة

اغنية شعبان عبد الرحيم 25 يناير ...

هذة كلمات لا يقولها الا رئيس جمهورية مصر العربية

ثورة 25 يناير 2011 - الحلقة السابعة ( مبارك ... الى فناء ... )

اذا كنت ستقرأ المقال ... فلا تنظر للأسطر ... بل احرص على قراءة المقال كاملا ... لعلك تجد ما تزيح به الغمة عن اعين اخرين

لم اكن من اصحاب الثروات ... لم اكن من رجال الاعمال .. حتى اطلب بقاء مبارك على عرش رئاسة جمهورية مصر العربية ... خوفا من مجىء من قد يفرض عليا ضريبة تصاعدية ستؤثر على اموالى وثرواتى ... لم اكن عضوا بالحزن الوطنى حتى اخاف ان تضار مصالحى بعد مبارك ... لم اطلب سوى الرحيل ولكن ليس الرحيل الفورى ... وذلك لثلاثة اسباب :

اولا : حفاظا على استقرار البلاد وحقنا لدماء الشهداء حتى لا يثقل الدين برقابنا جميعا

ثانيا : حرصا منى على الحفاظ على ما بقى من كرامة مبارك ... فأيا كان فهو يعد رمز من رموز مصر ... سطر التاريخ اسطرا بيده ... ولكنه للأسف أزالها كلها من قلوب المصريين بممحاة لا يكتب فوقها فوقها بأقلام

ثالثا : محاولة اعطاء فرصة للحكومة للعمل لتنفيذ ما قطعته من وعود ... ولكن فى ظل عياب الثقة من قبل الشعب لتلك الحكومة لن يسمح الشعب لأى منهم بالعمل بدون تحقيق مطالبهم ... وكما قيل فى المثل الشعبى ( اذا كان رب البيت بالدف ضاربا ... فشيم اهل البيت الرقص ) ... الاصل متغيرش ... تبقى الصور مالهاش لزمة ... لكن احنا عاوزين التغييرات اللى الحكومة وعدت بيها تتنفذ ... وبحلول جذرية ... واهمها تغيير المادة 76 و 77 من الدستور .. والغاء قانون الطوارىء

لا أحد يستطيع انكار فضل مبارك وزملاؤه بعد الله طبعا فى الدفاع عن أرض مصر ... والسهر لحماية تراب الوطن والزود عن شعبه المقاتل الاصيل ... ولا يستطيع احد ان ينكر اننا عشنا 30 عاما من السلام الداخلى والخارجى وتلك هى انجازات مبارك خلال 30 عاما من الانفراد بالحكم :

· شبكة مترو انفاق القاهرة والجيزة

· مستشفي سرطان الاطفال 57357

· جسر مبارك السلام

· ست طائرات بوبنج 777

· القرية الفرعونية

· دريم بارك

· سيتي ستارز

· بناء دار الاوبرا المصرية

· الشركة المصرية لصناعة المواسير ولوازمها ( أكوا فلو )

· استسصلاح اكثر 3 ملايين فدان

· تطوير ميناء الاسكندرية ليصبح

· السيادة الكاملة علي سيناء

· المكتبة المركزية لجامعة القاهرة

· بناء مكتبة الاسكندرية

· ترميم و اصلاح و تطوير برج القاهرة

· الفنادق و القري السياحية الفاخرة

· معهد جراحات القلب

· استاد برج العرب

· مجمع الصلات المغطاة

· ترميم الكثير و اكتشفاف المئات الاثار

· اسكان مبارك للشباب

· شبكة بنية تاتحية هائلة

· كبري 6 اكتوبر اكبر كوبري في الشرق الاوسط و افريقيا

· طريق طابا طريق اسفلته مميز

على الرغم مما ورد ذكره كان من الممكن ان يكون شفيعا لمبارك فى ظل حكومة فاسدة ... وظلم جم لشعب مجبر على التحمل

ولكن ما هو ات من الممكن ان يكون سببا من أسباب قيام الثورة

فى ظل 30 عاما من الحكم فى عهد مبارك تدهورت أحوال البلاد فى مجالات شتى :

الأحوال المالية
ديون : إجمالي 614 مليار جنيه
الفقر : 35% من الشعب تحت خط الفقر أقل من1 دولار في اليوم
نقود مهربة : 300 مليار دولار خرجت من البلاد
الجنيه المصري : الدولار= 85 قرش سنة1981م و 6 جنيهات سنة 2005 م

الأحوال الصحية
السرطان : تضاعف 8 مرات .. أعلى نسبة في العالم
الذبحة الصدرية :20 % من الحالات شباب تحت الأربعين
البلهارسيا : أعلى نسبة في العالم
السكر : ‏7‏ ملايين .. ‏10 %‏ تقريبا من عدد السكان
إلتهاب كبدي : 13 مليون .. 20 % من الشعب
فشل كلوي : أعلى نسبة في العالم
شلل الأطفال : موجود في 6 دول في العالم فقط منهم مصر
الإكتئاب : ‏20‏ مليون مواطن
أمراض نفسية ( أخرى) : ‏6‏ ملايين
التدخين : 80% من البالغين مدخنين
التلوث : أعلى نسبة في العالم ... تلوث للهواء ومياه الشرب
والتدهور في التربة والمناطق الساحلية .. خسائر 30 مليار جنيه
الانفاق الحكومي : 10 دولار للفرد سنوياً

الأحوال الاجتماعية
القضايا : 20 مليون قضية بالمحاكم .. أقدمها من 38 عام حتى الاّن
البطالة : 29% من القادرين على العمل .. حوالي 5 مليون شاب
الانتحار : 3 اّلاف محاولة سنوياً
حوادث الطرق : 6 آلاف قتيل سنويا و 23 الف مصاب
الطلاق : 28%
العنوسة : 7 مليون عانس .. 4 مليون فوق 35 عام
الهجرة : 4 ملايين مهاجر : 820 ألفاً من الكفاءات و 2500 عالم في تخصصات شديدة الأهمية .. 6 ملايين طلب هجرة للولايات المتحدة وحدها سنة 2005
الأُمية ( الحالية) : 26% من الشعب المصري
الأُمية ( المستقبلية) : 7% من الأطفال لا يدخلون المدارس بسبب الفقر .. غير الهاربين بعد الدخول
التعليم : دروس خصوصية ، كتب خارجية ، جامعات خاصة للربح فقط
عمالة الأطفال : نصف مليون طفل
أطفال الشوارع : تقرير الأمم المتحدة : 100 ألف طفل
عشوائيات : 45% من الشعب يسكن العشوائيات.. 35 منطقةعشوائية بالقاهرة فقط
موظف الحكومة : تحت خط الفقر ويؤخذ منه ضرائب( ستة جنيهات متوسط دخل الموظف يومياً )
المخدرات : 6 مليار دولار سنوياً في تجارة المخدرات

مشاكل أخلاقية
رشوة، محسوبية، بلطجة، توريث المهن، عُري زواج عرفي , قتل الأزواج ، امتهان وتحرش بالنساء ، ألفاظ بذيئة ، صحافة جنسية غش جماعي وجريمة و تسول

الأحوال السياسية
سيطرة وفساد النخبة الحاكمة ، مراكز قوى ، الإعداد لتوريث الحكم ، تزوير انتخابات ، قمع المعارضة ، اعتقالات ، تعذيب حتى الموت ، انتهاك لحقوق الإنسان ، إلغاء دور النقابات والجمعيات الأهلية

مشاريع قومية متوقفة او خاسرة
القضاء على الأمية قبل عام 2000 ، زراعة الصحراء الغربية بالقمح (مشروع اليابان)
وادي السليكون، محطة الطاقة النووية، جامعة د/ أحمد زويل (التكنولوجيا)
فوسفات أبو طرطور ,وادي توشكى
أكثر من 2,3 مليار جنيه خسائر بشركات القطن
و 8 مليارات جنيه خسائر شركات الغزل والنسيج
و 12 مليار جنيه العجز الإجمالي لسكك حديد مصر
خسائر 10 مليارات جنيه بقطاع الإذاعة والتلفزيون

الأزمــــــــــــــات
فساد ,تعليم، إسكان، زواج، بطالة، صحة، أخلاق، ضمير، مرور , مياه نظيفة، صرف صحي، البناء على الأرض الزراعية، تصحر، زحام ,غلاء, انخفاض احتياطي النقد

الأرض الزراعية
تم تجريف مليون و200 ألف فدان أرض خضراء من 5000 سنة من أصل 6 مليون فدان

الأمن والشرطة
قانون الطوارىء : 25 سنة طواريء .. في خدمة الشعب

بغض النظر عما سبق ذكره ... فالشعب تحمل الجوع والفقر والاهانات وكل شىء ... كل شىء الا الدم ... لم يستطع تحمل سقوط 317 شهيد واكثر من 5500 جريح فى غضون 15 يوما فى ظل مظاهرة سلمية ... 317 زهرة قطفتها الايادى الغادرة من جناين مصر ... ليسطروا منعطقا جديدا فى تاريخ الامة وبعد ذلك يتم اتهامهم بالعمالة والجاسوسية لصالح دول اجنبية

أقسم بالله لا تتخيلوا مدى الالم والغضب اللذان يبصيبانى عندما الاى صورة احد من الشهداء كان من الممكن ان اكون انا الشهيد وهو من سينعم بالحرية ... وانا كلى يقين بأنه كان سيفعل كل ما يمكن فعله ... حتى عندما اقابله يوم القيامة ... لا انظر اليه نظرة لوم بأنه ضيع عمرى هباء

اخترنا يوم 25 يناير ... عيد فساد الشرطة للقيام بالثورة .. لم نختر عيد ميلاد مبارك .. او يوم توليه السلطة ولا اى اى تاريخ يخص مبارك ... كانت الثورة للمطالبة بحقوقنا المسلوبة ... ولم نطلب الرحيل

لكن بعد استشهاد كل هذا الكم من الشهداء ... صار من حقنا ايضا المطالبة بالرحيل الفورى ... مداواة لقلوب المجروحين من اباء وامهات لشهداء الثورة ... حتى لا يتحولوا لقنبلة موقوتة قد تنفجر فى وجه النظام ومبارك ولن يقوى احد على الصمود فى وجهم

فنحن نطالب بالرحيل الفورى .. و محاكمة مبارك عن شهدائنا الكرام ... وتولى عمر سليمان مهام رئاسة الجمهورية لأجراء التعديلات المرجوة قبل بدء فترة رئاسية جديدة بأجراء الانتخابات بصورة حرة ونزيهة تضمن لنا الحرية الكاملة فى الاختيار

محمد منير قال فى اخر اغنية ليه ... واللى اهداها للتليفزيون المصرى ولم يوافق التليفزيون المصرى المبجل على عرضها ... بحجة انها تعبر عن غضب مبالغ فيه ... ولكن الغضب الحقيقى اضعاف اضعاف ما صوره الملك محمد منير ... منير قال ( أوعى تخاف من القوى او اللى يقولك انا ... منفوخ وفاضى وهوا ... مستقوى من ضعفنا ... واذا كان لابد الموت ... اصرخ بعلو الصوت ... جايز بشر يسمعك ... ويوصل كلمتك )

وده فعلا اللى اتأكدنا منه بعد قيامنا بالثورة ... اتأكدنا ان قوة هذا النظام الهش الواهى نابعة من ضعفنا نحن ... وتأكدنا من اننا كنا نتعامل مع نظام فاسد لا يقوى الا على ادارة الفساد

لذلك ... اعتذر لكل من وجهت له كلمة نقض او لوم او عتاب لمعارضته لفساد النظام الحالى

كلمة أخيرة منى لمبارك :

لست ممن يتعمدون اهانة الرموز ... ولست ممن يتكبرون بأنكار الجميل والاسائة للمعروف ... على مدار 30 عاما من توليك الحكم والسلطة لم يحدث ما يحدث الان من انقلاب وثورة وغضب ورفض لرؤية صورتك حتى ... حتى تجبرت وظلمت ... لقد تحمل الشعب فى مقابل الاعلاء منك ومن كرامتك كل شىء ردا لجميل تضحيتك فى حرب اكتوبر ... لقد تحمل الجوع والفقر والاهانات ... تحمل كل شىء الا دم الابرياء ... ابرياء رفضوا السكوت لأجل حقوق منهوبة منذ سنوات

نحن الشعب المصرى ... لم ننسى ابدا مشاكلنا ... ولم نغفل عن مساوىء حكمك ... لم يكن موجودا بعد جيل التغيير الذى قامت على يديه الثورة ... ولكننا نتحمل كما ذكرت ... لم نرد لك الخروج بصورة مهينة ... لا تليق بتاريخك او ثقلك السياسى والتاريخى فى العالم كله ... ولكن ما انت فيه الان ما هو الا جزاء للظلم والتجبر والغرور ...

سيذكر التاريخ انه :

عندما تجبر قارون بعد ان كان من الصالحين .. أرسل الله عليه طوفانا فخسف به وبداره الأرض .. ليغرقه بمائه جزاء لظلمه وتجبره , وعندما تجبر مبارك بعد ان كان من المخلصين .. ارسل الله عليه شبابا .. شهداءا .. ليغرقوه فى دمائهم .. جزاء لظلمه وتجبره ...

الشعب يريد اسقاط ... مساءلة ... محاكمة النظام ... وأنا من الشعب ... اذا فأنا اريد اسقاط ... مساءلة ... محاكمة النظام

اتق شر الحليم اذا غضب

قبل الشهداء كنا من الممكن ان نكتفى بما تم الوعد بتحقيقه ... لكن بعد تناثر دمائهم الطاهرة على وجه كل مصرى محب لوطنه ॥ فنحن صابرون ... ولله المثل الاعلى ...

( فأصبر صبرا جميلا ) ..............

vitsh

ثورة 25 يناير 2011 ... الحلقة السادسة ( نتائج ثورة 25 يناير - الجزء الاول )

نتائج ثورة 25 يناير 2011

بالنسبة ليا انا شخصيا اهم نتيجة انى هعيش فى مصر اخيرا ... مصر اللى ربنا قال عليها فى القرأن ( ادخلوا مصر امنين )... مصر اللى من زمان اوى نفسى اشوفها

وتحية ودعاء منى لشهداء ثورتنا الابرار ... اسمائكم كتبت بأحرف من نور فى تاريخ الامة ... رحم الله كل شهيد من شهداء ثورتنا ثورة الشباب ... واسكنهم الله فسيح جناته . ( قل انما هم احياء عند ربهم يرزقون )

( مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلاً ) .... صدق الله العظيم

ونحسبهم شهداء ولا نزكي علي الله أحدا...

اما بالنسبة لمكاسب الوطن من قيامنا بثورة 25 يناير 2011 فدى النتايج اللى انا توصلت لتحليلها من خلال الموقف الراهن :

1 – قيام اول ثورة شعبية فى تاريخ مصر يكون الشعب وصوت الشباب هو المحرك الاول لأحداثها

2 - اعطاء الحكومة العلم الكافى بأن الشعب له صوت يستطيع من خلال التخلص من فسادها وفساد النظام

3 – اعلان مبارك عن عدم نيته فى الترشيح لفترة رئاسية جديدة

4 – التخلى عن نية توريث الحكم وتسليم السلطة لجمال مبارك

5 – اقالة الحكومة السابقة والتخلص من العناصر المتغطرسين بمناصبهم امثال بطرس غالى وزير المالية الاسبق وحبيب العادلى وزير الداخلية السابق وفاروق حسنى وزير الثقافة السابق

6 – تعيين نائب لرئيس الجمهورية حتى نكون بمأمن اذا تم ما لم نتوقعه

7 – اعادة النظر فى شرعية عضوية نواب البرلمان المصرى بمجلسيه الشعب والشورى

8 – صدور قرار لمناقشة تعديل مادتى 76 و 77 من الدستور والخاصتين بكيفية ترشيح رئيس الجمهورية

9 – طرح اسماء مناسبة لخلافة مبارك

10 – ازالة اثار الفتنة بين افراد الشعب وظهور المسلم كتف لكتف بجوار القبطى

11 – توقعات بتحسن ظروف المعيشة وفتح مساحات جديدة من الحرية لأفراد الشعب مستقبلا

12 – ظهور حقيقة كل شخص احب الظهور فى الصورة بحجة التوجع لمشاكل افراد الشعب ومحاولة انساب الفضل فى الثورة لنفسه امثال محمد البرادعى

13 – زيادة وعى الشعب المصرى بالمخاطر الداخلية والخارجية المحيطة بالدولة ومحاولة التصدى لها اولا بأول وعدم اعطاء فرصة للقنوات والدول العميلة بالتدخل فى شئوننا

14 - تفشى حالة من الوطنية والخوف على مستقبل البلاد بين افراد الشعب شباب ومسنين وحتى اطفال

15 – سقوط سطو الاعلام النظامى الموجه على عقول المصريين

16 – انتهاء عصور التعذيب والسطو واللامبالاة من قبل افراد الشرطة وكل من له سلطة على افراد الشعب البسطاء

17 – زيادة الاصرار والرغبة فى التحرر من قبل افراد الشعب والاصرار على مطلب واحد وهو رحيل الحاكم العسكرى

18 – الانتباه الى الخرق الامنى المفزع فى صفوف الامن المصرى

19 – محاولة اعادة بعض الحقوق من قبل الحكومة لمستحقيها من خلال محاسبة من قاموا بالاستيلاء على اموال وحقوق الشعب

20 – تفكك الحزب الوطنى الحكام وتخلى قادة الحزب عن مناصبهم الحزبية وقرب استقالة الرئيس من رأسة الحزب الوطنى مما يعنى انه سيكون حزب شعبى كباقى الاحزاب وليس الحزب الحكام

21 – التخلص والتحرر من قانون الطوارىء

22 - زيادة الوحدة بين المصريين ونشأة علاقات ترابطية بين المتظاهرين بغض النظر عن العناصر مثيرى الشغب

23 – الاحساس اخيرا بأننا مصريين .. الاحساس بأن الارض التى تقف عليها ملك لك ... لك الشرف فى الافتخار بمصريتك فى اى وقت وبأى مكان

24 - تغيير تسمية يوم 25 من عيد فساد الشرطة ... الى عيد الثورة

ده اللى انا وصلتله لحد دلوقتى من خلال محاولتى لتحليل الموقف الراهن زى ما قولت ... على اخر الثورة هيبقى فى نتايج تانى كتير ايجابية ... ممكن نعتبر المقال ده الجزء الاول من نتايج الثورة

لكن لحد دلوقتى لسه محصلتش النتيجة اللى كلنا عاوزينها الا وهى الرحيل العسكرى ... ولكن ليس الرحيل الفورى ... بس زى ما قال ربنا فى كتابه الكريم

( فأصبر صبرا جميلا )

دم ولاد بلدى مش رخيص ... مفيش حاجة من اللى بنعملها مالهاش لزمة ... الحرية غالية

vitsh

ثورة 25 يناير 2011 ... الحلقة الخامسة ( دعوة للأستقرار )

قولنا هنعمل ثورة .. وعملناها .. قولنا هنطلب تصحيح الاوضاع ... وطلبنا اللى كنا نازلين علشانه ... يعنى من الاخر خلاص وصلنا رسالتنا ...

الشباب اللى موجود حاليا فى ميدان التحرير بيكسر وبيحرق ... ومصر على رحيل الحاكم العسكرى بالرغم من حالة الضياع التى تعيشها البلد اليومين دول ... ممكن اقول عنه انه شباب غير واعى ... مش مننا ... اللى قام بالثورة دى شباب ادى واجبه ووصل رسالته وابرز مشكلته ... وهو ده الشباب اللى بيقوم حاليا بتشكيل اللجان الشعبية ... لحماية ممتلكات الخاصة والعامة ومساعدة الشرطة فى القيام بواجباتها فى ضبط الخارجين عن القانون

اما عن المصرين على الرحيل ... احنا كلنا عاوزين الريس يتنحى ... لكن فى فرق بين الرحيل ... والرحيل الفورى ...احنا كنا لسه فى ارحام امهاتنا ومبارك ده بيحارب فى 73 ... عمل كتير للبلد ... وعمل كتير فى البلد ... وسرق كتير من البلد ... لكن من كان منكم بلا خطيئة فليرمه بحجر

كلامى مش معناه تأييد لمبارك ولا لحكمه ... لكن تأييد للأستقرار فى الفترة الحالية ..

من مبادىء السياسة الحكيمة ... الحوار الوطنى ... واللى المفروض يتطبق عندنا فى الفترة الحالية بين الثوار المتظاهرين والحكومة لعرض المطالب بصورة سلمية والوصول لحل يرضى جميع الاطراف ولكن مع عدم التخلى عن مطلبنا الاول برحيل الحاكم العسكرى

لأن فى ظل وقف الحال اللى البلد فيه ده ... اللى كان زعلان من قلة الرواتب والمعاشات فى ظل استمرار عمليات السطو والسرقة اللى دايرة فى البلد مش هياخدهم خالص .. لأنه مشتغلش اصلا .. وبالتالى العامل البسيط اللى كان بيقبض فى الشهر 200 جنيه ومعندوش اللى يعيشه ... اللى زى ما بيقولولوا عايش اليوم بيومه هيضطر يسرق علشان ياكل بس

فأنا بنادى بجلاء المتظاهرين عن ميدان التحرير ... تحقيقا للأستقرار ... مع الاحتفاظ بمطلب الرحيل

وبعدين الحمد لله على النتائج الايجابية اللى وصلنا ليها من خلال قيامنا بثورتنا دى مش قليلة

انا من رأيي ومش رأيى انا لوحدى انه من الخذى والعار ان طفل لا يتعدى عمره ال17 عام يقف فى ميدان علشان يشتم فى قائد شعبه ... مهما كان ... ده من مبدأ احترام الكبير عيب تسب واحد اد عمرك اربع مرات

ده غير الانجازات اللى حصلت فى عهده ... وانا مش اهل لأنى اعدد انجازات مبارك ... او مواقفه فى الازمات ... ومحدش فينا يقدر ينكر انه محنك سياسيا ... فى كذا حاجة كانت كفيلة بغفران نوبة السهو الاخيرة ... لكن بعد اللى حصل من استشهاد 11 شاب من ورود مصرنا الحبيبة ... مبقاش فى حاجة ممكن تغفر لمبارك اى يوم عاشه فى حدايق القبة

بس احنا نحاول بقدر المستطاع اعطاءه فرصة لفتح باب الاستقرار والاصلاح فى مصر

مش علشانه ... لكن علشان مستقبلنا ومستقبل اولادنا ...

ثورة 25 يناير 2011 ... الحلقة الرابعة ( وما النصر الا من عند الله )

( ان ينصركم الله فلا غالب لكم وما النصر الا من عند الله ) ....... صدق الله العظيم

تحية منى لافذاذ مصر لافراد شعبها الاحرار ودعاء منى بالرحمة لشهداء ثورتنا العظيمة

لا تتراجعوا اكملوا ما بدأتموه

بقول لكل بطل من ابطال الثورة مترجعوش فى اللى بدأتوه اوعوا تخلوا الخوف يعرف طريقه لقلوبكم

وربنا هينصرنا عن قريب ان شاء الله فى ناس ماتت واستشهدت فى سبيل اصلاح البلد دى

ماتوا علشان مستقبلنا ومينفعش تبقى ضيعت عمر الانسان ده ببلاش ... دم اخوك فى رقبتك ... مينفعش تخليه يبصلك يوم القيامة وهو حاسس انه ضيع عمره بلاش

عمليات السرقة والنهب والتخريب والترويع الدائرة ارجاء الوطن حاليا ماهى الا عملية سرقة منظمة

من فكرة نابعة عن فكر رخيص لا يمت بصلة الى الوطنية ولا الى حب الوطن

بالعقل كده المساجين اللى فى مصر كلها هربوا وكلهم اتفقوا على انهم يعملوا عصابة وينشلوا ويسرقوا كلهم فى توقيت واحد

انا اعرف ان المسجون لما بيهرب بيكون شغله الشاغل انه يامن مكان يختبئ فيه

مش هيهرب علشان ينزل يسطو ويسرق وينهب ويغتصب

ده كله ترتيب فكر شيطانى

قالوا نطلق البلطجية والحرامية وعناصر من الشرطة السرية علشان يقوموا بعمليات السرقة والنهب دى

وبالتالى كل حد نزل المظاهرة هيخاف على بيته وعلى اهل بيته فهيرجع علشان يحميهم او يدافع عنهم

وهتكون النتيجة مفيش مظاهرة مفيش ثورة مفيش رجوع للحقوق لاصحابها

وده ناتج عن عدم وجود اجهزة الشرطة وعدم قيامها بواجباتها

علشان كده انا بطالب بمحاكمة وزير الداخلية حبيب العادلى محاكمة عسكرية بتهمة الخيانة العظمى للبلد دى

ولو وصل الامر لاعدامه

مش هيكون فى اى مانع من ده حفاظا على كرامة شعب بلدنا العظيم

ثورة 25 يناير 2011 ... الحلقة الثالثة ( التلاعب بالاوراق )

( وما رميت اذ رميت ولكن الله رمى ) ..... صدق الله العظيم

اهنىء نفسى وشعب وطنى العزيز ... بنتائج ثورة 25 يناير 2011 حتى الان فى ظل محاولات الحكومة للتلاعب بالاوراق ... وفى ظل اصرار النظام على عدم ابداء حسن النية ... من خلال تغيير الوجوه مع الابقاء على النظام الحالى

ده فى حد ذاته كان شىء مرجو ... لكن حتى لو غيروا الحكومة ... هتبقى زى اللى قبلها واللى قبلها واللى قبلها ... الاصل متغيرش تبقى الصور مالهاش لزمة ... على راى المثل اللى بيقول اذا كان رب البيت بالدف ضاربا فشيم اهل البيت الرقص

تعيين ناس تخطى عمرها السبعين ربيعا زى اللواء عمر سليمان رئيس جهاز الاستخبارات المصرية السابق ونائب رئيس الجمهورية الحالى ... وتكليف الفريق احمد شفيق بتشكيل الحكومة الجديدة دليل على عدم ابداء حسن النية من قبل النظام

اولا : السن لن يسمح باستقرار البلاد لأن الناس دى بالبلدى رجل جوه ورجل بره

وثانيا : لأننا عاوزين فكر متجدد ... متطور ... يقود البلد لبر الامان

هنفضل عند مطلبنا بعدم الابقاء على فساد النظام ... علشان مستقبل البلد دى ... تغيير المنظومة كاملة من نظام وحكومة وساسة وشرطة الى جانب طرح دستور جديد ... واجراء انتخابات برلمانية نزيهة تقوم على اساس الشفافية والحياد ... وخلق عدالة فى التوزيع ... وعدم تسليم البلد لرجال الاعمال والمستثمرين ... اللى لما البلد بس قالت عاوزة حقى ... كله سابها وطار بالطيارات الخاصة

عاوزين حكومة مننا احنا ... جهاز شرطة يخاف علينا ويحمينا ... مش تضربنا بالقنابل السيلة للدموع والرصاص المطاطى والرصاص الحى المحرم دوليا ...

ولكن اخشى ما اخشاه ان يهرب افراد النظام الحالى من مصر ...

احنا عاوزينهم هنا ... علشان ناخد حقنا منهم ... يمكن الرئيس مبارك تكون له بعض الشفاعة نظرا لتاريخه كرجل سياسى محنك ... وبطل من ابطال اكتوبر ...

لكن فى نفس الوقت دم اللى ماتوا ... ولاد بلدى ... مش رخيص

29 – 1 – 2011

ثورة 25 يناير 2011 ... الحلقة الثانية ( اثبتوا )

حسب توقعاتى لن يسقط النظام المصرى ...... ولكن ........!!!!!!!!!!!!!

دلوقتى لما يمشى مبارك هيترك فراغ سياسى فظيع وهيحط البلد على المحك للتدخلات الخارجية وانتهاك حقوق وثروات البلد ... وتعريضها للتخريب من قبل كل جهة لها عين على مصر

المهم فى اللى جاى ... التكالب على مقعد الرئاسة هيبدأ من لحظة خروج مبارك من قصر الرئاسة

فى نوعين محبش انهم يكونوا موجودين علشان ميتكررش اللى احنا فيه دلوقتى ...

النوع الاول من المرشحين .. شخص كان طول عمره بيحلم بالجلوس على عرش الرئاسة ... غالبا مش علشان المواطنين ولا الغلابة ولا الكلام الحمصى ده ... انما تحقيقا لبعض الاهواء الشخصية ... وزى ما ورد فى السنة المحمدية ... فيما معناه ان من سعى للسلطة او اتته عن مسألة لم يعنه الله عليها

وده على سبيل المثال زى أيمن نور

والنوع التانى من المرشحين ... نوع كان طول عمره بره البلد ... ميعرفش حاجة عن ناسها ولا مشاكلهم ... نوع يحب يظهر فى الصورة لما تكون فى صورة ... لكن عمره ما يقدر يخلق صورة ... والنوع ده لا يصلح للقيادة

زى محمد البرادعى مثلا

احنا عاوزين حد مننا ... انسان صاحب فكر ... فكر متجدد ... علشان يقود البلد لبر الامان

قبل كده كان رأيى فى ظل وجود مبارك اننا نغير كام مادة فى الدستور ونبقى على الرئيس ... لكن بعد الثورة والغضب العام من افراد الشعب على مبارك ... لن يكون هناك اصلاح الا بالرحيل ... ولكن ليس الرحيل الفورى ... ثم الاختيار المناسب الحر النزيه

مفيش حاجة من اللى بنعملها مالهاش لزمة ... الحرية غالية

28 – 1 – 2011

ثورة 25 يناير 2011 ... الحلقة الاولى ( دعوة للحرية )

( لا يغير الله ما بقوم حتى يغيروا ما بأنفسهم ) ...... صدق الله العظيم

كلامى مش موجه لفئة معينة من الشعب ... كلامى موجه لكل مصرى عنده غيرة على وطنه ... على اهله ... على حقه ... على شعبه

مينفعش متنزلش يوم 25 ... المظاهرات دى علشانى وعلشانك وعلشانا كلنا ... علشان حقك ميضيعش ... وعلشان كرامتك متتهانش... علشان تفتخر بمصريتك فى العالم كله ... لكن بدون اى خطأ فى حق البلد ... او فى حق الرئيس مبارك ... فهو اولا واخيرا رجل السلام ... ولى امر المسلمين

فساد وغش و سرقة وتضليل وتعتيم اعلامى وعدم مساواة وعدم مراعاة للضمير ظلم وتعذيب ... فساد سياسى وفساد حكومى

لكن خلاص ... كان فى وخلص

زى ما بيقولوا الضومنة قفلت ... الحكم صفر والشعب اللى كان بيتفرج على نفس الماتش من 30 سنة خلاص نزل الملعب

فى ناس بتسأل اشمعن دلوقتى فكرنا نقوم بالثورة دى ؟؟؟... الناس بتقول اننا عاوزين نركب الموجة على غرار الثورة التونسية المجيدة ...

لكن عذرا ... انا بقولهم ان الشعب عمره ما نسى مشكلته او باع قضيته حتى ولو عدى عليه سنوات من السهو اللى كان ممكن يغير او يحدث التغيير مكانش موجود

دلوقتى بقى موجود جيل صاعد واعى متنبه لمشكلته ومشكلة وطنه ... قادر على التغيير

لاخواتى واصحابى وجيرانى ... مينفعش متنزلش يوم 25 ... مينفعش تكون والدتك واختك وجدتك موجودين ... وانت تكبر دماغك وتبيع القضية ... كلنا شباب زيك وكلنا هننزل علشان حق البلد دى علينا وعلشان مستقبلنا ومستقبل ولادنا

بيك هتكمل الثورة ... واواعدك انك لأول مرة هتحس انك مصرى ... هتحس ان البلد اللى انت واقف عليها دى ملكك انت ... بتعتك ... ملكك انت ... وهتحس اد ايه البلد دى تستحق انك تموت علشانها ...

انزل شارك بكيس دم ... بسندونش ... او حتى ازازة مياة ...

انزل علشان تغير التاريخ ..... علشان لما ابنك يسألك بعد كده 25 ده اجازة ليه ... متقولولش ده عيد فساد الشرطة ... قوله ده عيد الثورة ......

24 ــ 1 – 2011