سلامات يا اسماء يا محفوظ !!!

مكتبتش عن موضوع اسماء محفوظ خالص فى وقت الكلام ...
وقت ما كانت كل المدونات بتتكلم فى الموضوع ده
رفضت اكتب لان رأيى مش هيعجب ناس كتير ... لأنى بكره ( الفتى ) وخصوصا فى السياسة ...


الموضوع من الأول :

مش عارف ليه حاسس ان الثورة هتضيع ... هتضيع ...
اسماء محفوظ شايفة نفسها ناشطة حقوقية سياسية ... مفيش غيرها فى البلد ... هى اللى بتدور على الحقوق ... وهى اللى هترجع المنهوب ... وهى اللى هتحاكم ... وهى اللى هتنفذ الاحكام ... وهى ... وهى ... وهى ...

كان فى مثل مصرى بيقول ... ( من قال لا أعلم فقد افتى ) ... لكن عندنا هنا فى مصر ... ازاى تقول لا اعلم ... افتى ... عك وربك يفك ... ولكن لما تعك فى حق بلد ومصير شعب كامل بشوية كلام اهبل ... يبقى لازم تتعك على دماغك

اسماء ( هانم ) بتقول متزعلوش لو عملت جماعات مسلحة وعملت سلسلة اغتيالات ... يعنى ايه تبقى من شباب الثورة ... وتمسكى سلاح وتقتلى فى حين ان فى حكومة انتى وافقتى عليها وانتى فى الميدان ... ومجلس عسكرى انتى اديتيه الشرعية ... واستفتاء وافقتى عليه بأرادتك ...

كده هتقلبى البلد ... وهتبقى دى السياسة المتبعة لأخذ الحقوق ... مش هيبقى حق بئه ... هيبقى تار ... وتعيش مصر فى حمام من الدم ... واحنا فى امس الحاجة للأستقرار

انا كنت مع محاكمة اسماء ... وعسكريا ... علشان تتعلم ازاى تتكلم فى حق85 مليون مصرى ... بدون توكيل

وبعد ما تنازل المجلس العسكرى عن البلاغ و طلعت اسماء قالت الكلام ده :

انا مقولتش انك مش بتفكرى فى مصلحة البلد ... لكن كان فين الكلام ده قبل ما ...

بعد اللى حصل رجعت اسماء علشان تقول الكلام ده
واتأكدت من المثل المصرى الشعبى اللى بيقول ( اللى اتلسع من الشوربة ... ينفخ فى الزبادى )
ربنا يهدينا ويهديكى يا اسماء