اذا لم يكن من الموت بد ... فمن العار ان تموت جبانا ...!!!

كلنا طبعا شوفنا اللى بيحصل من امبارح فى السودان

محدش مصرى او عربى او حتى افريقى حابب اللى بيحصل دلوقتى

اولا هنشرح اللى بيحصل دلوقتى

دى خريطة السودان قبل كام يوم من دلوقتى

ودى خريطة السودان بعد كام يوم

كلنا عارفين طبعا اننا بنشترك بحدودنا الجنوبية مع الحدود الشمالية للسودان

وخلاص كلها ساعات ومش هيبقى فى حاجة اسمها سودان

هيبقى فى سودان الشمالية والسودان الجنوبية اذا ابقوا على المسمى القديم للدولة

ده نتاج للنشاط الاستعمارى الداخلى للسودان

وانصياع بعض القبائل السودانية لتيارات الفتنة الداخلية فى بلدهم

اللى بيبص على الموضوع بنظرة موسعة الى حد ما

هيلاحظ اننا احنا المستهدفين من تقسيم السودان ... ايوا احنا ... ازاى ؟؟؟!!

لو بصيتوا على خريطة مصر

هتلاقوا اننا بنشترك فى الحدود مع تلات دول

فلسطين ... السودان ... ليبيا

بعد تقسيم السودان بشوية

الدول الاستعمارية ذات سياسة فرق تسد

هتلعب على نقطة التقسيم

الولايات المتحدة اعلنت انه هتشيل اسم السودان من قائمة الدول الراعية للأرهاب اذا اعترفت الخرطوم بنتائج الاستفتاء

اللى هتكون التقسيم

وشوية وهتلاقى منظمات الولايات المتحدة كلها

منتشرة فى ارجاء السوادن شمالا وجنوبا بحجة الاعمار واعادة تأسيس البنية التحتية

يعنى هيدخلوا على الشمال بحجة اعمار شمال السودان بعد جلاء الاستعمار الجنوبى للجزء الشمالى

وبكده هتبقى حدودنا مع الدول المجاورة فى شبه احتلال دائم من كذا دولة

فلسطين ... الله يرحمها من زمان

السودان ... وقعت تحت ايدين اللى مبيرحمش

وليبيا ... لو وافقت على اقامة القاعدة العسكرية الامريكية

هنبقى احنا اللى فى الوسط

وهيبقى الدور علينا

وهما بدأوا فى ده من دلوقتى

مش ملاحطين تزامن حادث الاسكندرية مع تقسيم السودان

عاوزين يفصلوا مواطن القوة اللى ممكن تدخلهم عندنا ويحطوا فى ارضنا رجل بدون عناء

واولها يوقعوا بين المصريين ويزرعوا بوادر الفتنة الطائفية بين افراد الشعب مسلمين ومسيحيين

وبعد كده منظمات حقوق الانسان ... ومنظمات رعاية الاقباط الامريكية

تقول انها جاية لحماية اقباط مصر من احداث اضطهاد الاقباط فى مصر

ومش هيعملوا كده الا لو حققوا هدفهم من خلال زرع الفرقة بينا

وشوية شوية هتلاقى بلدك مش بتعتك

ومش هيبقى لينا مكان فيها

نفسى كل مصرى يفهم اللعبة كويس

ويرفض الانقياد وراء الاحداث اللى ممكن تخلى بينا اى فجوة

احنا كلنا اخوات

بس كنا مستنيين حاجة زى حاذثة اسكندرية علشان تفكرنا

الفترة اللى جاية مش مستحملة نوبة سهو تانية

وياريت كل مصرى يحط فى دماغه انه يبدأ بنفسه ويأدى واجبه تجاه البلد اللى هو عايش فيها

بس يعمل اللى عليه

لأنه على الاقل

اذا لم يكن من الموت بد ... فمن العار ان تموت جبانا ...!!!

بما انى طالب ... وطالب طب ... فى عين شمس

فالموضوع اللى هتكلم فيه ... انا مش بس عايش فيه ... انا الموضوع اساسا