اللى ملهمش فيها بيــــــــــــــ ... واحنا معاهم !!!

للموجودين بميدان التحرير : لم يعد يجدي البقاء ...

اكتشفت بالصدفة البحتة ... إن تقريبا 90 % من الشعب المصري لا يعرف شيئا ... ( لسه مضحوك عليه ) ...
اكتشفت إن نجاح الثورة كان ( وليد ) إرادة الله وليس الثقافة السياسية التي لا يتمتع بها الشعب المصرى للأسف

مبادىء الثورة فى اى مكان قامت فيه فى العالم بتقف على ركيزتين اساسيتين :

1 . قضاء عادل

( بدأت افقد الثقة فى الكلمة دى بعد محاكمة مبارك .. اللى متحاكمش ) !!

2 . علم
( ودى بتشمل كل حاجة ... لكن للأسف هيبقى العلم بكل حاجة ازاى ؟ وانت عندك نسبة الامية فى مصر 71% ) !!!

أنا نزلت يوم 18 نوفمبر ... وكان ليا شوية مطالب أهمها :
الوقوف على وثيقة السلمي ... منع فلول الوطني من الترشح تحت أسماء حزبية جديدة ... و إجراء الانتخابات في موعدها

النهارده 1 ديسمبر 2011
وبعد اجراء الانتخابات ... واعلان نتائج المرحلة الاولى من الانتخابات بقيت شايف ان التواجد فى التحرير بحجة ( دم الشهداء ) ... لا يجدى !!!!!

تعالوا نحكى الحكاية من الاول خالص :

يوم 11 فبراير 2011

طلع علينا اللواء عمر سليمان ( نائب رئيس الجمهورية ) بخطاب تنحى عن لسان ( مبارك )

تعالوا طيب نراجع خطاب التنحى ده كلمة كلمة لأنه يهمنا اوى

نص الخطاب :

(بسم الله الرحمن الرحيم ... أيها المواطنون ... فى ظل الظروف العصيبة التى تمر بها البلاد ... قرر الرئيس محمد حسنى مبارك ... " تخليه " عن منصب " رئيس الجمهورية " ... وكلف المجلس الاعلى للقوات المسحلة ... لأذارة شئون البلاد ... والله الموفق والمستعان )

فى الخطاب ده ... قرر ( مبارك ) التخلى عن منصب واحد له وهو المنصب الوظيفى الخدمى ( منصب رئاسة الجمهورية ) ... بس ده فى الخطاب ( يعنى مش على ارض الواقع ) ... ازاى بئة ... !!!

وفقا لنص الخطاب الملقى على لسان اللواء عمر سليمان ... مبارك لن يدير شئون البلاد لفترة وجيزة ... لكنه اختار من ينوب عنه ( المجلس العسكرى ) اللى لم يختاره الشعب !!!

مش الشعب اللى احتار ان المجلس العسكرى هو اللى يدير البلد لحد ما يتم اجراء انتخابات رئاسية عادلة تعبر عن صوت الشعب ...
ومع اننا كنا فى ثورة ... ومع اننا كنا بنطالب بالتغيير ... ( فرحنا ) وقولنا (الجيش و الشعب ايد واحدة ) !!!
يعنى تانى ( انضحك علينا ) !!!

المهم ... ناس قليلة جدا اللى كان عندهم بعد نظر ... وكانوا شايفين ان الخطاب ده ( صابونة ) يزحلقزا بيها اللى فى التحرير ... لأن مبارك كان وقتها مازال يملك خيوط اللعبة فى مصر بين أصابعه ... هقولك ازاى ... !!!

بعد يوم 11 فبراير
كان مبارك صاحب 4 مناصب اخرى غير منصب ( رئيس الجمهورية ) اللى لسه منصبه لحد دلوقتى ... لأنه وضع نفسه فى موضع الاستشارى ... وليس من يدير الشئون !!!
مبارك :

كان ومازال ( القائد الاعلى للقوات المسلحة )
كان ومازال ( قائد كتيبة الطيران العسكرى )
كان رئيس المجلس الاعلى للقضاء

كان رئيس الحزب الوطنى

مكانش فى نية من مبارك ... انه يتخلى عن الحكم كده بسهولة ... وده كان واضح فى خطاب مبارك الاخير قبل التنحى ... لما قال للـ( شعب ) :

" عليكم ان تختاروا بين وجودى ... او ان تعم الفوضى ارجاء البلاد "

لو جيت قارنت خطاب التنحى ده بخطاب تنحى جمال عبد الناصر :

( اقول لكم بصدق... وبرغم اية عوامل قد اكون بنيت عليها موقفى فى الازمة ... فأننى على استعداد على تحمل المسئولية كلها ... ولقد اتخذت قرارا اريدكم ان تساعدونى عليه ... لقد قررت ان اتنحى تماما ونهائيا عن ان منصب رسمى ... وعن اى دور سياسى ... على ان اعود لصفوف الجماهير ... اؤدى واجبى معها كأى مواطن اخر ... )

هتلاقى ان عبد الناصر ( تملص ) من السياسة بوجه عام ... اما مبارك فكان مصرعلى الابقاء على خيوط اللعبة السياسية بين اصابعه ... حتى وان تخلى عن رئاسة الجمهورية ( صوريا ) !!!

النهارده
الحزب الوطنى اتحل بقرار محكمة فى ابريل 2011

المجلس الاعلى للقضاء يدخل ضمن فترة انتقالية ... لاختيار رئيس اعلى للقضاء المصرى

لكن
لسه مبارك ( القائد الاعلى للقوات المسحلة ) و( قائد كتيبة الطيران العسكرى)

والدليل :
ان المشير طنطاوى لحد الان ...( القائد العام للقوات المسلحة ) ... رغم توليه ومجلسه منصب رئاسة الجمهورية ( صوريا )

ودى صورة باعتراف التليفزيون المصرى ... ( بعد الثورة ) !!!

ده ليه بئة ...؟؟؟!!!

ده لأن ميقدرش حد مهما كان انه يثنى مبارك عن مناصبه العسكرية الا قرار من

( المحكمة الدستورية العليا العسكرية )

يعنى من الاخر ... كأن انا مدير الشركة ... تعبت شوية ... أو خفت على نفسى شوية ... جبتلكم ابنى ينوب عنى ... بس قولتله انا موجود فى الاوضة جوه ... لو احتجت حاجة ... ( تعالالى ) !!!

هو ده بالظبط اللى حصل مع الشعب المصرى

ودى كانت المرة الاولى !!!!!

بعد تنحى مبارك وتواجده بشرم الشيخ ... طالبت قوى سياسية وتيارات سياسية معتدلة ومعارضة ومتشددة بمحاكمة مبارك ...

وطبعا لأن المجلس العسكرى ... بيتبع سياسة مبارك لسه ( تكبير الدماغ ) ... ساب الناس يعملوا اللى هم عاوزينه ... ويقولوا اللى يريحهم

لحد ما طالبت قوى سياسية كتيرة بأحضار مبارك من شرم الشيخ بالقوة

المجلس العسكرى قالك كده الناس دى هتعملنا قلق ... واحنا مش فاضيين لهم
راحوا لمبارك ... قالولوا يا عم انت قاعد فى البيت كده كده و الخدم كله حواليك ... احنا مش هنعمل حاجة غير اننا هننقلك من شرم الشيخ ... للقاهرة ... هتقعد فى المستشفى ... فى جناح خاص ... وهتعيش بالظبط زى مانت عايش هنا ... ونعملك معاد للمحاكمة ... وتطلع على التليفزيون ( رجلا ... كبيرا ... ضعيفا ) :P
يمكن ده يثير مشاعر الاستعطاف عند الشعب ... فنعفو عنك ... و( تطلع تتمتع بفلوس الشعب )

وبالفعل مبارك مكدبش خبر ... وجه معاهم ... وعملوا علينا التمثيلية دى ... لحد ما جه معاد شهادة المشير واللواء عمر سليمان فى القضية اللى ممكن تجيب رقبته ... و قالولك ( خلاص ... مش هنذيع )

ومن ساعتها ... لا حس ولا خبر ...
يعنى برضه معملوش اللى الشعب كان عاوزه ...

اللى كان المفروض يتعمل ... انه يستنى ... او يسلم لنائب ... مع وجوده بالمنصب ... لحين اجراء انتخابات رئاسية اولا ... علشان اللى يمسك ... يجيبه ويحاسبه
لأنه مهما كان ... راجل عسكرى ... وولاء المجلس العسكرى مش هيكون ليك انت يا مدنى يا بتاع الشارع

يعنى من الاخر ... مفيش محاكمة ... ومبارك هيموت ... وهيتعمله جنازة عسكرية ... لأنه راجل عسكرى

يعنى انضحك علينا تانى

ودى كانت المرة التانية

جت بعد كده التيارات السياسية وحتى ( اللى ملهومش فيها ) ... ملهومش فى السياسة اقصد ... قالوا احنا لازم نعمر ... احنا لازم نتخلص من الدستور القديم ...

جه المجلس العسكرى ... وقالك خلاص ... نعملكم استفتاء ... ( علشان تستقروا ) !!!

اللى حصل بالظبط ... ان انت كان عندك تيشرت احمر ... فى حتة فيه اتقطعت ... فأنت علشان كان بابا اللى جايبهولك ... كان صعبان عليك اوى ترميه ... فقولت ترقعه او ( ترفيه )
جبت حتة قماش بيضا ... ورفيت بيها التيشيرت

لو بصيت لحتة القماش البيضا دى ...ممكن تلاقيها حلوة ... لكن لما تركبها على التيشرت الاحمر ... ( مش هتلاقيها حلوة ابدا ... )

جريت الناس على مقار الاستفتاء ... وقالوا ( نعم ) ... تقوله ايه حجتك بنعم دى ... يقولك ... ( الاستقرار ) !!!

مع احترامى للديمقراطية ... ولرأى الشعب ( اللى لازم يمشى ) ... انا قولت لأ ... ولو اتعاد الاستفتاء ده تانى برضه هقول ( لأ )
النهارده بئة ومع كامل احترامى للديمقراطية ( تانى ) ... انا عاوز اسأل كل واحد قال نعم سؤال ...

( استقريت ؟؟؟) !!!
ودى كانت المرة التالتة

دلوقتى احنا عايشين فى توابع المرة التالتة دى ... المجلس العسكرى بيتصرف كام يحلو له ... والرد ( الجيش والمجلس العسكرى ... استمد شرعيته من الاستفتاء الذى اجمعت عليه جموع الشعب ) !!!

لأن الجيش وقادة المجلس العسكرى ( أيضا ) مش عاوزين يبقى فى عقاب لفساد الجيش !!!

دلوقتى

المعتصمون بالميدان ... يطالبون المجلس العسكرى بالرحيل ... وتشكيل حكومة انقاذ وطنى و تسليم السلطة لقيادة مدنية و ... و ... و ...

انا كنت عاوز افهم الناس حاجة بس علشان يبقوا على نور :

ما معنى السلطة المدنية :
" ان رئيس الجمهورية هيبقى راجل مدنى ... لكن رئيس الحكومة ... ( رئيس الوزراء ) ... هيبقى راجل عسكرى ... هو اللى ليه الامر والنهى فى ظروف البلاد العسكرية ... هو من يقرر حالة الحرب او الهدنة فى كل الاوقات ... لأنه الاعلم بشئون البلاد العسكرية "

مقصدش بكلامى حاجة ... خلينا نشوف الامور هتودينا لحد فين ... انا بس كنت عاوز اوضح ... ( مش أكتر )

معتصمى ميدان التحرير ... هما اللى قالوا نعم لاستفتاء الجيش ... وهما اللى امدوا الجيش بالشرعية ... يبقى نستحمل بئة

نستنى تنفيذ الوعود المحددة بالجدول الزمنى المعلن من قبل المجلس العسكرى ... وان ماتنفذتش ... ميدان التحرير موجود

مش معنى كلامى انك تنزل مظاهرات ( توفيق عكاشة ) ... ولكن دعما لأستقرار البلاد ... انا رأيي ( فض الاعتصام )

لأن دلوقتى ... وبعد اجبار المجلس العسكرى على اجراء الانتخابات ... وارتفاع نسبة المشاركة عن 70 % فى مراحلتها الاولى ... وعدم تنفيذ ما كان المجلس العسكرى يطمح اليه بتأجيل الانتخابات

... وجه الشعب ضربة قاسية جدا ... للـ( المجلس العكسرى )

الشعب اصبح صاحب الكلمة العليا فى مجرى الحياة السياسية دلوقتى

أنا معاك ... ان النظام متغيرش ( وانا اثبتت ده بالدليل القاطع من خلال كلامى ) ... لكن طالما اخترت الديمقراطية ... يبقى لازم تدفع الضريبة ... وتنتظر ... حتى لو كان فى شهداء
لأنك وبكل بساطة مأخدتش حق شهداء 25 يناير اللى راحوا فى احداث يناير ... هتاخد حق اللى ماتوا دلوقتى

فى يناير ... قالوا ان مبارك اللى اصدر امره باطلاق النار على المتظاهرين ...!!
طيب دلوقتى مين اللى اصدر الامر !!!

مبارك لسه موجود فعلا ... ولسه بيدير الشئون فعلا ... ولكن ( من ورا الستار )

ولكن ارجع واقول ... دى ضريبة الديموقراطية ...

احنا لسه فى ( أ – ب ) ديمقراطية ... ولكن المبشرات كتيرة اوى ...

صحى انك تلاقى اختلاف ... وصحى انك تلاقى 72 حزب سياسى وائتلاف بعد الثورة ... بس احنا فى فترة لازم نوحد فيها الصف ... و مش ده اللى حاصل ... للأسف !!

ولكن مع ذلك احنا لازم نعذر شعب( اتمرمط ) 30 سنة او اكتر والله ... ممكن من سنة 1952 من قيام الثورة الاولى وانتهاء الحكم الملكى ..وبدأ حكم العسكر ...

لازم نعذر اجيال اتولدت وعاشت وفى منهم اللى مات وهو تحت سطوة الحديد والنار ...

ولكن تغيير النظام ... مش بتغيير مبارك ... او حتى المجلس العسكرى ... تغيير النظام بتغيير النفوس ... تغيير الفكر ... مش عاوز اقول تغيير الشعب ...

مبارك هيمشى ... والمجلس العسكرى هيسيب الحكم ( بمزاجه ... او غصب عنه ) عاجلا او اجلا ...

لازم نغير كل حاجة ... نغير اللوائح اللى بتحكم النظام ... بتحكمه فى الهيئات الحكومية ... والمناصب الادارية ... اللوائح دى هى اللى خلت بلدنا ... ( بلد بتاعة روتين ... مش بلد شهادات ... لأن أصحاب الشهادات مش لاقيين ياكلوا :P (

التغيير ده مش هييجى الا بتغيير الفكر ... والتمسك بالدين ...

ربنا قال : ( لا يغير الله ما بقوم ... حتى يغيروا ما بأنفسهم ) !!!