الحقيقة وراء وائل غنيم

اولا: الصوره رقم واحد

الصورة اللي انتشرت ويقال فيها ان اللوجو اللي على التيشرت بتاع وائل هو اللوجو الخاص بالماسونية
اللوج الموجود على التى شيرت هو لوجو براند عالمى ... وده لينك الموقع الرسمى ليه

http://www.giordano-me.com/polo.aspx

ودي الصفحه بتاعته على الفيس

http://www.facebook.com/giordanomiddleeast

وبناء عليه فأنه لا ينتمى للماسونية بأى شكل من الاشكال

لأن ده لوجو الماسونية

وتقدر تعمل سيرش على النت وعلى جوجل او اي محرك بحث
واكتب "masonic"
وشوف اللوجو بتاعها
وممكن تقرأ عنها وكل تفاصيلها في ويكيبيديا
http://ar.wikipedia.org/wiki/%D9%85%D8%A7%D8%B3%D9%88%D9%86%D9%8A%D8%A9#.D8.B1.D9.85.D8.B2_.D8.A7.D9.84.D9.85.D8.A7.D8.B3.D9.88.D9.86.D9.8A.D8.A9

اما بالنسبه للوجو اللي على المبنى ده

ده اللوجو بتاع قناة
MTV
في كندا
لأن مقر القناة موجود في المعبد الماسوني
اقرا اللوجو كويس هتلاقي مكتوب عليه
MTV




ده غير ان اصلا الصورتين يوجد بينهم تشابه وليس تطابق على الاطلاق





يعني الصورتين ليس لهم أى علاقة ببعض
وكمان الشعار اصلا مش شعار الماسونيه

وبعدين انا عاوز اسأل سؤال

لو وائل ماسونى .. ايه اللى هيخليه يفضح نفسه ويخالف قوانين الماسونية ؟؟!!!


ثانيا: الصوره رقم 2



الحظاظة



في عام 1994 تم عمل مؤتمر لدعم مرضي السرطان وتم عمل هذه الحظاظات كنوع من التبرع وكان لونها اصفر ومنذ هذا التاريخ صارت كل مجموعة تدعم نشاط اجتماعي معين لها لون خاص فمثلا الاخضر لداعمي البيئة الأزرق لداعمي مرضي سرطان الدم والبنفسجي لداعمي مرضي التوحد(التخلف العقلي)والاسود لمكافحة العنصرية حتي الشواذ لهم حظاظة بالوان قوس قزح وهكذا وهكذا وثمن هذه الحظاظة كان ربع دولار وهي مصنوعة من المطاط ومنتشرة جدا علي مستوي العالم .

برده ارجع اقول اي عيل فاكس كان قال ان نص الشعب لابس حظاظه ومحدش قالهم انتوا عملاء ولا حاجة




ثالثا: ترجمة جوجل الخاطئة

ترجمة جوجل قايمه على الاقتراحات
بمعنى ان اي حد ممكن يقترح الترجمه اللي هو عايزها

والدليل على كده انا عايز اي حد يكتب كلمة "moz"
في جوجل ويترجمها ويشوف الترجمه هتطلع ايه

او اكتب اي كلمه من الكلمات بتاعت اسرائيل دي بس اكتب إسرائيل بهمزه الالف "إسرائيل"هتلاقي ان الترجمه هتطلع صح

رابعا: الفيديو اللي بيحتفل بيه وائل مع خالد النبوي

ده واحد مصري عادي جداا, من حقه يفرح ويرقص ويتنطط زي كل الناس اللي نزلت رقصت فرحانة
ومحدش يقولي شماته
دي فرحه رجوع الحق لأصحابه
فرحة ظهور العدل
اكيد مفيش حد هيفرح لما مبارك يموت ولا يمرض ولا يتشنق
الناس بس عايزه الحرية وفلوسها ترجعلها



خامسا: قصة اتهام وائل غنيم في قضية عبدة الشيطان





والرد ببساطه جداا كان عندنا كلنا

أولا وائل اسمه وائل سعيد عباس غنيم

وليس وائل حسن مصطفى علي غنيم

اللينك ده للي مش مصدق
هتلاقي منى الشاذلي بتقول اسمه بالكامل فى أول الحلقة

http://www.youtube.com/watch?v=VlBAzvX9Xw4&feature=player_embedded

وده من ويكيبيديا

http://ar.wikipedia.org/wiki/%D9%88%D8%A7%D8%A6%D9%84_%D8%BA%D9%86%D9%8A%D9%85

ولو حد لسه مش مصدق ياريت يفكر بالمنطق
القضيه دي كانت سنه 1995
والبشمهندس وائل غنيم من مواليد 1980
يعني 1995 دي كان وائل في تانيه اعدادي يادوب 15 سنه

ياجماعه انا معرفش وائل غنيم

كل ما يهمنى ان الثوره لا تشوه من قبل بعض الجهلاء المنساقين وراء الاشاعات دون تكلفه انفسهم التحقيق من صحتها

يقول الله تعالى "{يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ }الحجرات6

وهو قال قبل كده
ولا هو بطل
ولا هو متحدث بأسم الشعب
ويوجد كثير من الشباب الاكثر منه لباقه في الحديث والاكثر منه معرفة بالسياسة

فكرة انه خاين او عميل فده حوار مستهلك جدا و كل اللي قاعدين يدوروا على التي شيرت بتاعه و الحظاظة و جوجل و غيره فده كلام ناس فاضية و مش معقول يعني الناس العبقرية اللي بتكتشف الاكتشافات الفظيعة دي ان عبقريتها و قدرتها على الملاحظة تخطت جهاز المخابرات و الجيش و كل الناس و كفاية كل واحد يحاول يعمل فيها المفتش كرومبو

ياريت بس كله الناس تكون عرفت سبب عدم رد وائل على الاتهامات